ဟော့ဂျ်လန်းအတွက် ပေါင်သန်း ၆၀ ပေးမှ အက်တလန်တာအသင်း လက်ခံစဉ်းစားမည်
DVB
·
July 27, 2023
အက်တလန်တာအသင်းဟာ တိုက်စစ်မှူး ဟော့ဂျ်လန်းအတွက် အနည်းဆုံးပေါင်သန်း ၆၀ ပေးမှ လက်ခံစဉ်းစားမယ်လို့ သိရပါတယ်။
မန်ယူအသင်းဟာ ဒိန်းမတ်တိုက်စစ်မှူးအတွက် ပြောင်းရွှေ့ကြေးပေါင် ၅၁ သန်းနဲ့ ကမ်းလှမ်းခဲ့ပေမဲ့ အီတလီကလပ်ဘက်က ပယ်ချသွားဖို့ရှိပါတယ်။
မန်ယူအသင်းဟာ ဟော့ဂျ်လန်းအတွက် ပေါင် ၄၂ ဒသမ ၈သန်းအပါအဝင် ထပ်ဆောင်းပေးချေရမယ့် ငွေကြေးပေါင် ၈ ဒသမ ၆ သန်း ပေးချေမယ်ဆိုတဲ့ ကမ်းလှမ်းချက် ပြုလုပ်ခဲ့တာပါ။
ဒါပေမဲ့ ပေါင် ၈၆ သန်း ရဖို့ ဆန္ဒရှိနေတဲ့ အက်တလန်တာအသင်းဟာ အနည်းဆုံးပေါင်သန်း ၆၀ ပေးမှ လက်ခံစဉ်းစားမယ်လို့ သိရပါတယ်။
မန်ယူအသင်းဟာ အသက် ၂၀ အရွယ်တိုက်စစ်မှူးဟော့်ဂျ်လန်းကိုခေါ်ယူဖို့ ကစားသမားဖြစ်သူနဲ့ ပုဂ္ဂိုလ်ရေးဆိုင်ရာ သဘောတူညီမှုရရှိထားပေမဲ့ မိခင်ကလပ်နဲ့ ပြောင်းရွှေ့ကြေး ညှိနှိုင်းသွားရမှာ ဖြစ်ပါတယ်။
