ထိုင်းနိုင်ငံ၌ ယာဉ်မတော်တဆဖြစ်ပြီး မြန်မာအလုပ်သမား ၂ ဦး သေဆုံး
DVB
·
July 25, 2023
ထိုင်းနိုင်ငံ၊ ရက်ချ်နာဘူရီခရိုင်၊ ဒူမွန်စဒူဝမ်ဒေသ၊ ချွန်ပရာသမ်လမ်းမပေါ်မှာ ကားနဲ့ဆိုင်ကယ် တိုက်မိပြီး မြန်မာရွှေ့ပြောင်း အလုပ်သမား ၂ ဦး သေဆုံးခဲ့တယ်လို့ ထိုင်းအခြေစိုက် ခေါင်စွတ်သတင်းဌာနက ဖော်ပြပါတယ်။
ဇူလိုင် ၂၃ ရက် ည ၁၀ နာရီက ထိုင်းနိုင်ငံသား မောင်းလာတဲ့ ဟွန်ဒါဆလွန်းကားနဲ့ မြန်မာနိုင်ငံသား နှစ်ဦး စီးနင်းလာတဲ့ နောက်တွဲတပ် ဟွန်ဒါ ဆိုင်ကယ်တို့ တိုက်မိခဲ့တာပါ။
သေဆုံးသွားတဲ့ ရွေ့ပြောင်းမြန်မာအလုပ်သမားတွေဟာ အသက် ၄၁ နှစ်အရွယ် ဇော်လင်းနဲ့ မောင်မောင်တို့ဖြစ်တယ်လို့ ထိုင်းရဲဌာနက အတည်ပြုပြောဆိုပါတယ်။
သေဆုံးသူနှစ်ယောက်ဟာ ဆီအုန်းခြံအလုပ်သမားတွေဖြစ်ပြီး လုပ်ငန်းခွင်မှ ၂ ကီလိုမီတာအကွာမှာ မတော်တဆဖြစ်ခဲ့တာပါ။
မိုးသည်းထန်စွာရွာနေလို့ အရှေ့မှာသွားနေတဲ့ ယာဉ်ကိုမမြင်ဘဲ ဝင်တိုက်မိတာပါလို့ ယာဉ်မောင်း မစ္စတာ သော့ဖွန်က ထွက်ဆိုပါတယ်။
Source-Khaosod English
