ကမ္ဘာကြီးကို အံ့အားသင့်စေဖို့ ကြိုတင်ရည်ရွယ်ခဲ့ဟု ဂျာမေကာအမျိုးသမီး ကစားသမားပြော
DVB
·
July 24, 2023
ကမ္ဘာကြီးကို အံ့အားသင့်သွားအောင် လုပ်ဆောင်ဖို့ ကြိုတင်ရည်ရွယ်ခဲ့ကြောင်း ဂျာမေကာအသင်း ကွင်းလယ်လူ ဒရူးစပန့်စ်က ပြောသွားပါတယ်။
ဂျာမေကာအမျိုးသမီးအသင်းဟာ ကမ္ဘာ့ဖလားပြိုင် ပွဲအုပ်စုအဖွင့်ပွဲစဉ်မှာ နာမည်ကြီးပြင်သစ်ကို ဂိုးမရှိ သရေကစားနိုင်ခဲ့တာပါ။
ကမ္ဘာ့ဖလားသမိုင်း တလျှောက် ပထမဆုံးအမှတ်စတင်ရရှိခဲ့တာဖြစ်ပြီး ပွဲမတိုင်ခင်ကတည်းက ကမ္ဘာကြီး ကိုအံ့အားသင့်သွားအောင်လုပ်ကြဖို့ တိုင်ပင်ရည်ရွယ်ခဲ့ကြကြောင်း ကွင်းလယ်ကစားသမား ဒရူးစပန့်က ပြောပါတယ်။
ဂျာမေကာအမျိုးသမီးအသင်းဟာ ကမ္ဘာ့အဆင့် ၄၃ မှာရှိပြီး ကမ္ဘာ့အဆင့် ၅ ရှိတဲ့ ပြင်သစ်ကို ဂိုးမရှိသရေရလဒ်ထွက်ပေါ်အောင်ကစားပြခဲ့တာပါ။
နှစ်ကြိမ် မြောက်ဝင်ပြိုင်ခွင့်ရခဲ့တဲ့ ဂျာမေကာအမျိုးသမီးအသင်းဟာ ကမ္ဘာ့ဖလားအုပ်စုအဆင့်မှာ ပြင်သစ်၊ ဘရာဇီး၊ ပနားမားအသင်းတွေနဲ့ တစ်အုပ်စုတည်းတွေ့ဆုံနေတာဖြစ်ပါတယ်။
