အင်္ဂလန်ထိပ်သီးကလပ် မန်ချက်စတာယူနိုက်တက်နောက်ခံလူ အဲလက်စ်တဲလက်ကို ခေါ်ယူနိုင်ခဲ့တယ်လို့ ဆော်ဒီကလပ် အယ်နာဆာအသင်းက ဇူလိုင် ၂၃ ရက် ဒီနေ့မှာ တရားဝင်ထုတ်ပြန်ကြေညာခဲ့ပါတယ်။
အယ်နာဆာအသင်းဟာ ကျောနံပါတ် ၂၇ ဝတ်ဆင်မယ့် တဲလက်စ်အတွက် မန်ယူနိုက်ကို ပြောင်းရွှေ့ကြေး ၄ သန်းနဲ့ အပိုဆုကြေး ၄ သန်းပေးခဲ့ရပြီး ၃ နှစ်စာချုပ်ချုပ်ဆိုမှာ ဖြစ်ပါတယ်။
"ပြီးခဲ့တဲ့ ၃ နှစ်အတွင်း ကလပ်အတွက် သူ့ရဲ့ပံ့ပိုးကူညီမှုတွေအတွက် အဲလက်စ်ကို ကျေးဇူးတင်ပါတယ်။ အနာဂတ်မှာ အကောင်းဆုံးဖြစ်ပါစေလို့ ဆုတောင်းပေးချင်ပါတယ်" လို့ မန်ချက်စတာယူနိုက်တက်အသင်းက ထုတ်ပြန်ခဲ့ပါတယ်။
အယ်နာဆာအသင်းမှာ အဲလက်စ်တဲလက်စ်ဟာ မန်ချက်စတာ ယူနိုက်တက်အသင်းမှာ လက်တွဲခဲ့တဲ့ တိုက်စစ်မှူး ခရစ္စတီယာနိုရော်နယ်ဒိုနဲ့ ပြန်လည်လက်တွဲရမှာဖြစ်ပါတယ်။
အသက် ၃၀ နှစ်အရွယ် တဲလက်စ်ဟာ မန်ယူနိုက်တက်၊ ဆီဗီးလားအပါအဝင် အသင်း ၆ သင်းမှာ ၄၅၁ ပွဲ ပါဝင်ကစားခဲ့ပြီး ၃၂ ဂိုးသွင်းယူကာ ယူရိုပါလိဒ်ဖလား ၁ ကြိမ်၊ တူရကီဖလား ၄ ကြိမ်နဲ့ ပေါ်တူဂီလိဂ်ဖလား ၄ ကြိမ်တို့ကို ဆွတ်ခူးခဲ့ပါတယ်။
အယ်နာဆာအသင်းဟာ တဲလက်စ်ကိုခေါ်ယူပြီးနောက် မန်ယူနိုက်တက်ရဲ့ တခြားနောက်ခံလူဖြစ်တဲ့ ဘိုင်လီကိုပါ ထပ်မံခေါ်ယူသွားဖို့ ကြိုးစားနေပါတယ်။
