လမိုင်းမြို့ ၌ လဝကအရာရှိ အမျိုးသမီး ၁ ဦး ပစ်ခတ်ခံရပြီး သေဆုံး
DVB
·
June 22, 2023
မွန်ပြည်နယ်၊ ရေးမြို့နယ်၊ လမိုင်းမြို့မှာ အမျိုးသမီးတဦး သေနတ်ပစ်ခတ်ခံရပြီး သေဆုံးခဲ့တယ်လို့ ဒေသခံတွေဆီက သိရပါတယ်။
ဇွန် ၂၂ ရက် မနက် ၁၀ နာရီလောက်က လမိုင်းမြို့ နာရီစင်အနီးမှာ ပစ်ခတ်ခံလိုက်ရတာ ဖြစ်ပါတယ်။ သေဆုံးသူ အမျိုးသမီးဟာ မြို့နယ်လူဝင်မှုကြီးကြပ်ရေးရုံးက အရာရှိတဦး ဖြစ်ပါတယ်။
မျက်မြင်တွေ့ရှိသူတဦးက “ကျနော်တို့နဲ့ မလှမ်းမကမ်းမှာပဲ ဖြစ်သွားတယ်။ အသံကြားလို့ ထွက်ကြည့်မိတာ၊ ဘယ်သူတွေက ပစ်သွားလဲတော့ မသိပါဘူး” လို့ ပြောပါတယ်။
အဲ့ဒီအမျိုးသမီးဟာ လမိုင်းဆေးရုံအရောက်မှာ သေနတ်ဒဏ်ရာကြောင့် သေဆုံးခဲ့ပြီး ဘယ်အဖွဲ့အစည်းက ပစ်ခတ်ခဲ့တယ်ဆိုတာ ဒီဗွီဘီအနေနဲ့ အတည်ပြုနိုင်ခြင်း မရှိသေးပါဘူး။
