ဧရာဝတီတိုင်း၊ ကျောင်းကုန်းမြို့နယ်မှာ ဧပြီလ ၂၇ ရက် မနက်ပိုင်းက မြို့မရဲစခန်းမှာ ချုပ်နှောင်ထားတဲ့ အချုပ်သား ၈ ဦးထွက်ပြေးလွတ်မြောက်ခဲ့တယ်လို့ ရဲတပ်ဖွဲ့အသိုင်းဝိုင်းက သိရပါတယ်။
ထွက်ပြေးလွတ်မြောက်သွားတဲ့ အချုပ်သား ၈ ဦးဟာ လူသတ်မှုကျူးလွန်ထားသူ ၂ ဦး၊ လုယက်မှု ကျူးလွန်ထားသူ ၃ ဦးနဲ့ ခိုးမှုနဲ့ဖမ်းဆီးထားသူ ၃ ဦးဖြစ်တယ်လို့ ရဲတပ်ဖွဲ့နဲ့ နီးစပ်သူတွေက ပြောပါတယ်။
ရဲတပ်ဖွဲ့တာဝန်ရှိသူတဦးက “ သိတဲ့နာရီပိုင်းအတွင်းမှာပဲ ခရိုင်အဖွဲ့ကဆင်းပြီး ပိတ်ဆို့ဖမ်းဆီးနိုင်ဖို့ ကြိုးစားပါတယ်၊ ထွက်ပြေးသွားတဲ့သူတွေက ရာဇဝတ်မှုကျူးလွန်ထားတဲ့သူတွေဖြစ်တယ်၊ လောလောဆယ်တော့ တာဝန်ရှိတဲ့သူတွေကိုလည်း ထိန်းသိမ်းစစ်ဆေးနေပါတယ်”လို့ ပြောပါတယ်။
ထွက်ပြေးလွတ်မြောက်သွားတဲ့ အချုပ်သား ၈ ဦးဟာ လူသတ်မှု၊ ခိုးမှုနဲ့ လုယက်မှုတွေကြောင့် ဖမ်းဆီးပြီး အမှုတည်ဆောက်ကာ တရားဆွဲဆိုထားပြီး အမှုရင်ဆိုင်နေဆဲသူတွေဖြစ်တယ်လို့ ဆိုပါတယ်။
ခရိုင်ရဲတပ်ဖွဲ့နဲ့ နယ်မြေခံရဲတပ်ဖွဲ့ဝင်တွေ ပိတ်ဆို့ဖမ်းဆီးမှုကြောင့် ထွက်ပြေးလွတ်မြောက်သွားသူတွေထဲက ၂ ဦးကို ပြန်လည်ဖမ်းမိတယ်လို့ သတင်းတွေထွက်ပြေးနေပေမယ့် သီးခြားအတည်ပြုနိုင်ခြင်း မရှိသေးပါဘူး။
