စစ်ကောင်စီ တပ်သားတဦး လက်နက်ခဲယမ်းတွေနဲ့အတူ တနင်္သာရီပြည်သူ့ကာကွယ်ရေးတပ်ဖွဲ့ဆီကို ဧပြီ ၁၄ ရက်နေ့က အာဏာဖီဆန်ရေး (CDM) ပြုလုပ်လာတယ်လို့ သိရပါတယ်။
CDM ဝင်ရောက်လာတဲ့ တပ်သားဟာ တနင်္သာရီတိုင်း၊ တနင်္သာရီမြို့နယ်မှာ ညောင်ပင်းကွင်းရွာ အခြေစိုက် အမှတ် (၅၆၁) တပ်ရင်းမှ တပ်သားတဦးဖြစ်တယ်လို့ တနင်္သာရီမြို့နယ်ပြည်သူ့ကာကွယ်ရေးတပ်ဖွဲ့ဝင်တဦးက ပြောပါတယ်။
“CDM ဝင်ရောက်လာတာဟာ တပ်သားအဆင့်ပါ။ သူနဲ့အတူတူ MA-3 မောင်းပြန်သေနတ် တလက်၊ ကျည်အတောင့် ၂၀၀၊ လက်ပစ်ဗုံး ၁ လုံးနဲ့ ကျည်ကတ် ၃ ခု ပါပါတယ်” လို့ ပြောပါတယ်။
အဆိုပါ CDM တပ်သားကို တနင်္သာရီစစ်ဒေသခွဲ ကွပ်ကဲရေးအဖွဲ့က ဂုဏ်ပြုချီးမြင့်ငွေ သိန်း ၃၀ ပေးအပ်ခဲ့ပြီး လုံခြုံတဲ့နေရာ ပို့ဆောင်ပေးလိုက်တယ်လို့ ဆိုပါတယ်။
အလားတူ တိုင်းနဲ့ မြို့နယ်ထဲမှာရှိတဲ့ CDM လုပ်ချင်တဲ့ ရဲဘော်တွေရှိရင်လည်း သက်ဆိုင်တဲ့ တော်လှန်ရေးအင်အားစုအဖွဲ့တွေနဲ့ ချိတ်ဆက်ပြီး ရဲရဲဝံ့ဝံ့ လာရောက်ကြပူးပေါင်းကြဖို့ တိုက်တွန်းထားပါတယ်။
