ဘီးလင်းမြို့က စစ်ကောင်စီအမြောက်တပ် ဒရုန်းဖြင့် တိုက်ခိုက်ခံရ
DVB
·
January 28, 2023
မွန်ပြည်နယ် ဘီလင်းမြို့နယ်၊ ဇီးဝန်းကျေးရွာနားက ၃၁၄ အမြောက်တပ်ရင်းကို ဇန်နဝါရီ ၂၇ ရက် ညနေ ၄ နာရီခွဲက ဒရုန်းနဲ့ တိုက်ခိုက်ခဲ့တယ်လို့ စစ်တပ်နဲ့ နီးစပ်တဲ့သူတွေက ပြောပါတယ်။
ဒရုန်းအသုံးပြုပြီး ညနေ ၄ နာရီလောက်မှာ ဗုံး ၄ လုံးနဲ့ တကြိမ်၊ ည ၇ နာရီမှာ တကြိမ် ဗုံး ၃ လုံးနဲ့ ကြဲချ တိုက်ခိုက်ခဲ့ရာမှာ ဘောလုံးကစားဖို့ စုဝေးနေတဲ့အချိန်မှာတော့ ထိခိုက်သေဆုံးတာတွေ ရှိနိုင်တယ်လို့ စစ်တပ်နဲ့နီးစပ်တဲ့သူက ပြောပါတယ်။
ဒရုန်းနဲ့တိုက်ခိုက်ခံရတာပြီးတာနဲ့ စစ်တပ်က လက်နက်ကြီးတွေနဲ့ ပြန်လည် ပစ်ခတ်ခဲ့တယ်လို့ ဆိုပါတယ်။
အခုလို တိုက်ခိုက်မှုဖြစ်စဥ်မှာ HRS နဲ့ KNLA တပ်ရင်း၂ တပ်ခွဲ ၃ ပူးပေါင်းအဖွဲ့တွေက အထိအခိုက် တစုံတရာ မရှိခဲ့ဘူးလို့ သိရပါတယ်။
