မကွေးတိုင်း ယောဒေသ ထီးလင်းမြို့နယ်အတွင်း ဒီနေ့ စက်တင်ဘာ ၁၀ ရက်နေ့မှ စတင်ကာ အများပြည်သူ လုံခြုံစွာသွားလာနိုင်‌ရေးအတွက် ဂိတ် ၄ ခု ဖွင့်လှစ်ကာ ဆောင်ရွက်နေတယ်လို့ YDF-Htilin အဖွဲ့က အသိပေးကြေညာပါတယ်။

"ဂိတ်တွေမှာ မည်သည့် အခကြေးငွေမှ တောင်းယူကောက်ခံမှာမဟုတ်ပဲ အများပြည်သူအနေနဲ့ လုံခြုံရေးအရ စစ်ဆေး မေးမြန်းပါက ကြည်ဖြူစွာ ပူးပေါင်းဆောင်ရွက်ပေးကြပါ" လို့ YDF အဖွဲ့ တာဝန်ရှိသူက ပြောပါတယ်။

ယောဒေသအတွင်း တားမြစ်ပစ္စည်းများ သယ်ယူရောင်းဝယ်တာ မပြုလုပ်ကြဖို့၊ ဂိတ်တွေမှာ တပ်ဖွဲ့ဝင်တွေကို ငွေကြေးပေးဆောင်တာ မပြုလုပ်ကြဖို့နဲ့ အခွန်/အလှူငွေ ကိစ္စတွေကို YDF-Htilin ရုံးကိုသာ ချိတ်ဆက်ဆောင်ရွက်ပေးကြဖို့ အသိပေးကြေညာထားပါတယ်။

တပ်ဖွဲ့ဝင်တွေက စစ်ဆေးမေးမြန်းရာမှာ ရိုင်းစိုင်းတာ‌တွေ၊ ခြိမ်းခြောက်တာတွေ၊ ငွေကြေးတောင်းခံတာတွေရှိခဲ့ရင် သက်ဆိုင်ရာအကြီးအကဲတွေနဲ့ YDF-Htilin ရုံးကို အသိပေးတိုင်ကြားပေးကြဖို့လည်း တိုက်တွန်းထားပါတယ်။