ကချင်ပြည်နယ် မိုးကောင်းမြို့မှာ သြဂုတ် ၂၆ ညပိုင်းက မိုးကြိုးပစ်ခံရတာကြောင့် ဆိုင်တဆိုင် မီး လောင်ကာ ဆိုင်ဝန်ထမ်း အမျိုးသမီး နှစ်ယောက် သေဆုံးခဲ့တယ်လို့ ဒေသခံတွေက ပြောပါတယ်။
ကျွန်းတောရပ်ကွက်မှာရှိတဲ့ ငွေချမ်းမြေ့ဆိုင်ကယ်အရောင်းဆိုင် မိုးကြိုးပစ်ခံရတဲ့အတွက် မီးလောင်ပြီး ဆိုင်ဝန်ထမ်းနှစ်ယောက် ဆိုင်အတွင်း ပိတ်မိသေဆုံးခဲ့တာပါ။
မီးငြိမ်းသတ်ခဲ့သူ ဒေသခံအမျိုးသားတဦးက “ည ၁၀နာရီလောက်က မိုးတွေ အရမ်းသဲပြီး မိုးကြိုး ပစ်တယ်။ ဆိုင်ရဲ့အောက်ထပ်မှာ ရှောခ့်ဖြစ်ပြီး မီးလောင်နေတော့ အပေါ်ထပ်က ဝန်ထမ်းနှစ်ဦး အပြင်ထွက်မရလို့ မီးလောင်တဲ့အထဲ ပါသွားတယ်” လို့ ပြောပါတယ်။
မီးလောင်ပြီး ဆိုင်အတွင်းသေဆုံးခဲ့တဲ့ ဝန်ထမ်းနှစ်ယောက်ဟာ အသက် ၂၀ ကျော်အရွယ် မဝေမာအောင်နဲ့ မအိအိသက်တို့ဖြစ်တယ်လို့ ဆိုပါတယ်။
မိုးကြိုးပစ်ခံရတဲ့အတွက် ငွေချမ်းမြေ့ဆိုင်ကယ်အရောင်းဆိုင်က ဆိုင်ကယ်နဲ့ စက်ပစ္စည်းအားလုံး မီးလောင်ခဲ့တယ်လို့ သိရပါတယ်။
PHOTO CJ
