မကွေးတိုင်း ထီးလင်းမြို့မှာ ဩဂုတ် ၂၅ ရက်နဲ့ ၂၆ ရက်က တောင်ဘက်ရဲစခန်းနဲ့ မြန်မာ့ စီးပွားရေးဘဏ်ကို လက်နက်ကြီးနဲ့ပစ်ခတ်ခဲ့တယ်လို့ YDF-ထီးလင်းက ပြောပါတယ်။
ဩဂုတ် ၂၅ ရက်က ညနေ ၄ နာရီလောက်က ဒေသခံကာကွယ်ရေးပူးပေါင်းအဖွဲ့က ၆၀ မမ လက်နက်ကြီးနဲ့ပစ်ခတ်ခဲ့တာကြောင့် တောင်ဘက်ရဲစခန်းရဲ့ လူပျိုဆောင်ရှေ့ ကျရောက် ပေါက်ကွဲခဲ့ပြီး ရဲ ၃ ယောက် ဒဏ်ရာရခဲ့တယ်လို့ YDF-ထီးလင်းရဲ့ ခေါင်းဆောင် သခင်ဇော်က ပြောပါတယ်။
ဒ့ါအပြင် စစ်သား ၈ ယောက်လောက် လုံခြုံရေးယူထားတဲ့ မြန်မာ့စီးပွားရေးဘဏ်ကို သြဂုတ် ၂၆ ရက်နေ့လယ်ပိုင်းမှာ တာဝေးပစ်လက်နက်နဲ့ပစ်ခတ်ခဲ့တာကြောင့် သေဆုံးဒဏ်ရာရသူရှိနိုင်တယ်လို့ ဆိုပါတယ်။
အခုလို ပစ်ခတ်တာကြောင့် စစ်တပ်နဲ့ရဲဘက်က ထိခိုက်သေဆုံးမှုရှိတယ်လို့ YDF-ထီးလင်းက ပြောဆိုပေမဲ့ အတည်မပြုနိုင်သေးပါဘူး။
သြဂုတ် ၂၄ ရက်ကလည်း ထီးလင်းမြို့နယ် ရွှေခုံတိုင်ကျေးရွာနားမှာ အင်အား ၁၀၀ ပါ စစ်ကြောင်းကို လမ်းက စောင့်ကြိုကာ ချုံခိုတိုက်ခိုက်ခဲ့လို့ စစ်တပ်က ၅ ယောက်ထက်မနည်း သေဆုံးပြီး အများအပြားဒဏ်ရာ ရရှိခဲ့တယ်လို့ YDF-ထီးလင်းရဲ့အဆိုအရ သိရပါတယ်။
