ထိုင်း-မြန်မာနယ်စပ်၊ ကရင်ပြည်နယ်၊ မြဝတီမြို့မှာ ဩဂုတ် ၁၁ ရက် မနက် ၆ နာရီခွဲအချိန် တိုင်းထွာချက်အရ သောင်ရင်းမြစ်ရေဟာ မြို့ရဲ့ စိုးရိမ်ရေမှတ်အထက်ကို တပေခွဲလောက် ကျော်လွန် ရောက်ရှိနေတယ်လို့ မိုးဇလဌာနက ထုတ်ပြန်ထားပါတယ်။

သောင်ရင်းမြစ်ရေဟာ နောက် ၁ ရက်အတွင်း ၂ ပေလောက် ဆက်လက်တက်လာနိုင်ကာ မြဝတီမြို့ရဲ့ စိုးရိမ်ရေမှတ်အထက်မှာ ဆက်ရှိနေနိုင်လို့ မြစ်ကမ်းအနီးနဲ့ မြေနိမ့်ပိုင်းနေထိုင်သူတွေ အထူးသတိပြုနေထိုင်ကြဖို့ အကြံပြုတိုက်တွန်းထားပါတယ်။ 

မြစ်ရေကြီးလာလို့ မြဝတီမြို့ရဲ့ အမှတ် ၁ ရပ်ကွက်နဲ့ အမှတ် ၅ ရပ်ကွက် မြေနိမ့်ပိုင်းနေအိမ်တွေနဲ့ လမ်းတွေ ရေမြုပ်နေကာ  ဒေသခံတွေ သွားလာရေး အခက်တွေ့နေကြပါတယ်။

မြဝတီ တဖက်ကမ်း ထိုင်း-မြန်မာချစ်ကြည်ရေးတံတားအနီး ထိုင်းနိုင်ငံ မဲဆောက်ဘက်ခြမ်းမှာတော့ မြစ်ရေဟာ မြို့ရဲ့  စိုးရိမ်ရေမှတ် မကျော်သေးဘူးလို့ သိရပါတယ်။