မကွေးတိုင်း၊ ဂန့်ဂေါမြို့နယ်အခြေစိုက် ဂန့်ဂေါ PDF တပ်ဖွဲ့ဝင်တချို့ဟာ ဒေသခံတောင်သူတွေ ရာသီပေါ်သီးနှံ နှမ်းတွေရိတ်သိမ်းရာမှာ ကူညီပေးခဲ့တယ်လို့ ဂန့်ဂေါ PDF တာဝန်ခံက ပြောပါတယ်။
“အခုချိန်ခါ ရွာတွေနဲ့ ဝေးလံတဲ့ နေရာတွေမှာ နှမ်းခုတ်ငှားရမ်းတဲ့အချိန် လူတွေက မလိုက်နိုင်တာနဲ့ တချို့တောင်သူတွေမှာ နှမ်းခုတ်ငှားဖို့ ငွေကြေးမတတ်နိုင်တာတွေ ရှိပါတယ်။ အဲလို အခက်အခဲရှိပြီး အကူအညီလိုနေတဲ့ တောင်သူတွေကို စစ်ကြောင်းခဏအေးနေချိန် လိုက်လံကူညီပေးနေတာပါဗျ။ ပြည်သူနဲ့ PDF ဆိုတာ ရေနဲ့ငါးလိုပါပဲ။ ရေမရှိဘဲ ငါးတွေ အသက်မရှင်နိုင်သလို ပြည်သူတွေမရှိဘဲ PDF ဆိုတာလည်း ဖြစ်မလာနိုင်ပါဘူး။ PDF ဆိုတာ ပြည်သူတွေ လိုအပ်နေချိန်မှာ ပြည်သူကိုကာကွယ်ဖို့ ကူညီဖို့ အမြဲအဆင်သင့်ပါ။”
လတ်တလောမှာတော့ ဂန့်ဂေါမြို့နယ်မှာ စစ်ကောင်စီတပ်ဖွဲ့ဝင်တွေနဲ့ ဒေသခံ PDF တပ်ဖွဲ့ဝင်တွေကြား တိုက်ပွဲတွေ ဖြစ်ပွားနေပြီး ဒေသခံတွေအနေနဲ့ ဘေးလွတ်ရာဒေသတွေမှာ ထွက်ပြေးတိမ်းရှောင်နေရဆဲ ဖြစ်ပါတယ်။
