မဲဆောက်တွင် မြန်မာအမျိုးသမီးတဦးထံမှ ရွှေဆွဲကြိုးလုယက်သူအား ဖမ်းမိ
DVB
·
May 4, 2022
မြန်မာ-ထိုင်းနယ်စပ် မဲဆောက်မြို့မှာ မတ် ၂ ရက်နေ့က မြန်မာအမျိုးသမီးတဦးဆီက ရွှေဆွဲကြိုး လုယက်ထွက်ပြေးသွားသူကို မိနစ်ပိုင်းအတွင်း ဖမ်းဆီးမိခဲ့တယ်လို့ သိရပါတယ်။
မေ ၂ ရက်နေ့ နေ့လယ်ပိုင်းက မဲဆောက်စျေးအနီးမှာ ကုမ္ပဏီတခုမှာ အလုပ်လုပ်တဲ့ မြန်မာ အမျိုးသမီးတဦးဆီက ရွှေဆွဲကြိုးကို အသက် ၂၈ နှစ်အရွယ် မြန်မာရွှေ့ပြောင်းအလုပ်သမားတဦးက လုယက် ထွက်ပြေးသွားတာပါ။
လုယက်သူအား ၃ မိနှစ်အချိန်တွင်း မဲဆောက်ရဲတပ်ဖွဲ့က ဖမ်းဆီးနိုင်ခဲ့ပြီး ထိုင်းနိုင်ငံတရားဥပဒေအတိုင်း အရေးယူဆောင်ရွက်ဖို့ မဲဆောက်မြို့မရဲစခန်းမှာ ချုပ်နှောင်စစ်ဆေးနေပါတယ်။
မဲဆောက်မြို့မှာ ရွှေ့ပြောင်းမြန်မာအမျိုးသမီးတွေဟာ စိန်၊ ရွှေရတနာတွေကို ဝတ်ဆင်သွားလာကြတာ ပိုများကြပြီး ထိုင်းနိုင်ငံ တာဝန်ရှိသူအချို့ကတော့ အပြင်ထွက်သွားလာပါက မဝတ်ကြဖို့နဲ့ ဝတ်ဆင်သူတွေအနေနဲ့ လုံခြုံရေးသတိရှိကြဖို့ တိုက်တွန်းထားပါတယ်။
