သပိတ်ကျင်းမြို့နယ်၌ ခရီးသွားပြည်သူတွေကို မှတ်ပုံတင်စစ်ဆေးနေ
DVB
·
April 2, 2022
မန္တလေးတိုင်း၊ သပိတ်ကျင်းမြို့နယ်မှာ ဧပြီ ၁ ရက်မနက်က စစ်ကောင်စီ လက်အောက်ခံ လဝက ဝန်ထမ်းတွေနဲ့ လက်နက်အပြည့်အစုံတပ်ဆင်ထားတဲ့ စစ်ကောင်စီ တပ်သားတချို့က ခရီးသွားပြည်သူတွေကို မှတ်ပုံတင် စစ်ဆေးနေပါတယ်။
မန္တလေး - မိုးကုတ် ၊ မန္တလေး -ဗန်းမော်လမ်းဆုံရာ ဖော့တောလမ်းဆုံမှာ ခရီးသွားပြည်သူတွေကို မှတ်ပုံတင် ပါ ၊ မပါ စစ်ဆေးနေတာလို့ ဒေသခံတစ်ဦးက ဒီဗွီဘီကို ပြောပါတယ်။
ပြီးခဲ့တဲ့ မတ်လ ကတည်းက စစ်ကောင်စီ လက်အောက်ခံ လဝက ဝန်ထမ်းတွေနဲ့ ရပ်ကွက်အုပ်ချုပ်ရေးမှူးတွေက နိုင်ငံတဝန်းက ဒေသခံပြည်သူတွေကို ထောက်ခံစာနဲ့ မြို့နယ်ဖြတ်ကျော် ခရီးသွားလာခွင့်နဲ့ တည်းခိုနေထိုင်ခွင့်တွေ ပိတ်ပင်လိုက်ပြီးနောက် အခုလို မှတ်ပုံတင် စစ်ဆေးလာတာဖြစ်ပါတယ်။
