ချောင်းဦးသပိတ်ခေါင်းဆောင် ကိုမာန်ဇာမြေမွန်ကို စစ်ကောင်စီက ထောင်ဒဏ် ၂ နှစ် ချမှတ်
DVB
·
March 31, 2022
စစ်ကိုင်းတိုင်း ချောင်းဦးသပိတ်ခေါင်းဆောင် ကိုမာန်ဇာမြေမွန်ကို စစ်ကောင်စီတရားရုံးက မတ် ၃၀ ရက်နေ့မှာ ထောင်ဒဏ် ၂ နှစ် အမိန့်ချခဲ့တယ်လို့ သိရပါတယ်။
“ကိုမာန်ဇာမြေမွန်ကို ပုဒ်မ ၅၀၅(က) နဲ့ မုံရွာအကျဉ်းထောင် တရားရုံးက ထောင်ဒဏ် ၂ နှစ် ချမှတ်လိုက်တယ်။ အမှုက ၅ မှုနဲ့ ဆွဲခံရတာ။ အခုက ၅၀၅(က) အတွက် အမိန့်ချတာဖြစ်တယ်။ ကျန်အမှု ၄ ခုက ကျန်သေးတယ်” လို့ မိသားစုဝင်တဦးက ပြောပါတယ်။
စစ်အာဏာရှင်ဆန့်ကျင်ရေး ချောင်းဦးသပိတ်ခေါင်းဆောင် ကိုမာန်ဇာမြေမွန်ကို ၂၀၂၁ ခုနှစ် ဇွန်လဆန်းက ဖမ်းဆီးခဲ့တာဖြစ်ပြီး မတ် ၃၀ ရက်နေ့မှာ စစ်ကောင်စီတရားရုံးက အမိန့်ချခဲ့တာပါ။
