ဖမ်းဆီးတရားစွဲဆိုခံထားရတဲ့ သြစတြေးလျနိုင်ငံသား စီးပွားရေးပညာရှင် မစ္စတာရှောင်တာနယ်လ်ကို ဖေဖော်ဝါရီ ၂၄ ရက်က ရုံးထုတ်ခဲ့တယ်လို့ တရားရုံးနဲ့ နီးစပ်တဲ့အသိုင်းအဝိုင်းကနေ သိရပါတယ်။
ဒီနေ့ရုံးချိန်းမှာ ရှောင်တာနယ်လ်ကို စွဲထားတဲ့ပုဒ်မ နှစ်ခုထဲက မြန်မာနိုင်ငံအစိုးရ လျှို့ဝှက်ချက်များအက်ဥပဒေ ပုဒ်မ ၃-၁(ဂ) အတွက် တရားလိုပြသက်သေ ဦးအောင်ကျော်စံကို စစ်ဆေးခဲ့တယ်လို့ တရားရုံးနဲ့ နီးစပ်သူတစ်ဦးက ပြောပါတယ်။
စီးပွားရေးအကြံပေး ရှောင်တာနယ်ကို စစ်ကောင်စီက မြန်မာနိုင်ငံအစိုးရ လျှို့ဝှက်ချက်များအက်ဥပဒေပုဒ်မ ၃-၁ (ဂ)၊ လ.ဝ.က အက်ဥပဒေတို့နဲ့ စွဲဆိုထားတာဖြစ်ပါတယ်။
ဒီနေ့ရုံးချိန်းကို စွပ်စွဲခံရသူ ရှောင်တာနယ်လ်နဲ့ အမှုတွဲအဖြစ် စွဲဆိုခံထားရတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ ဦးဆက်အောင်(စီမံ/ဘဏ္ဍာ/စက်မှု ဒုဝန်ကြီး)၊ ဦးကျော်ဝင်း(စီမံ/ဘဏ္ဍာဝန်ကြီးဟောင်း)တို့ ရုံးထုတ်ကို လာရောက်ခဲ့ပြီ ဦးစိုးဝင်း(စီမံ/ ဘဏ္ဍာဝန်ကြီး)ကတော့ အာမခံရထားတဲ့အတွက် မလာဘူးလို့လည်း တရားရုံးနဲ့ နီးစပ်သူက ပြောပါတယ်။
အမှုတွဲပါ ဦးစိုးဝင်း(စီမံ/ ဘဏ္ဍာဝန်ကြီး)အူမကြီးကင်ဆာ၊ ဦးကျော်ဝင်း(စီမံ/ဘဏ္ဍာဝန်ကြီးဟောင်း) အူကျရော ဂါတွေနဲ့ ဆေးကုသမှုခံယူထားရသူတွေဖြစ်ပါတယ်။
