စစ်ကိုင်းတိုင်း၊ မော်လိုက်ခရိုင်၊ မော်လိုက်မြို့မှာ အ.ထ.က (၂) ကျောင်းက ကျောင်းသားတွေ အပါအဝင် ကိုဗစ်-၁၉ ရောဂါကူးစက်နှုန်း မြင့်တက်လာတာကြောင့် စာသင်ကျောင်း ယာယီ ပိတ်ထားရတယ်လို့ သိရပါတယ်။

ဖေဖော်ဝါရီ ၁၄ ရက်က ကိုဗစ်-၁၉ ကာကွယ်ဆေးထိုးထားပြီးဖြစ်တဲ့ အမှတ် (၂) အထက်တန်း‌ ကျောင်းက ဆရာမ တစ်ဦး နှာစေးပြီး ကိုယ်လက်ကိုက်ခဲလို့ စစ်ဆေးရာကနေ ရောဂါပိုးတွေ့ ရှိခဲ့တာပါ။ 

ဒီနောက် ထိတွေ့ဆက်စပ်သူတွေကို ကျန်းမာ‌ရေးဌာနက စစ်‌‌ဆေးရာ ကျောင်းသား/ကျောင်းသူ ၂၀ နဲ့ မိဘတွေအပါအဝင် ၄၈ ယောက် ရောဂါပိုးတွေ့ရှိခဲ့ပြီးနောက် မော်လိုက်မြို့မှာ စုစုပေါင်း ကူးစက်ခံရသူ ၁၂၇ ဦး ရှိသွားပြီလို့ သိရပါတယ်။

ကိုဗစ်ပိုးစတင်တွေ့ရှိတဲ့တဲ့ အမှတ် (၂) အထက်တန်းကျောင်းကို ဖေဖော်ဝါရီ ၂၆ ရက်အထိ ယာယီပိတ်ထားမယ်လို့ ကျောင်းအုပ်က ထုတ်ပြန်ထားပါတယ်။