ခန္တီးမြို့နယ် နန်းစီပွန်တွင် မြေစာပုံပြိုကျပြီး အမျိုးသမီး ၂ ဦး သေဆုံး
DVB
·
February 18, 2022
စစ်ကိုင်းတိုင်းဒေသကြီး၊ ခန္တီးမြို့နယ်၊ နန်းစီပွန်မှာ ဖေဖော်ဝါရီ ၁၇ ရက်က မြေစာပုံပြိုကျပြီး အမျိုးသမီး ၂ ယောက် သေဆုံးသွားတယ်လို့ ဒေသခံတွေထံက သိရပါတယ်။
"နေ့လယ် ၁၂ နာရီလောက်မှာ ရေမဆေးကျောက်ရှာနေတဲ့ မြေစာပုံက ပြိုကျပြီး မိန်းကလေး ၂ ဦးသေဆုံးသွားတာ”လို့ နန်းစီပွန်ဒေသခံတစ်ဦးက ပြောပါတယ်
မြေစာပုံပြိုကျပြီး သေဆုံးသွားသူ နှစ်ယောက်ဟာ ဖောင်းပြင်မြို့နယ်က မခင်ခင်မော်နဲ့ ခန္တီးမြို့နယ် နောက်ပဲရွာက ဒေါ်အေးရီတို့ဖြစ်တယ်လို့ သိရပါတယ်။
