ရှမ်းပြည်နယ်တောင်ပိုင်း ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့ ဆူးဗိုလ်ကုန်းရပ်ကွက်က လျှပ်စစ်မီတာရုံး EPC ကို ဖေဖော်ဝါရီ ၉ ရက်၊ ညနေ ၃ နာရီလောက်မှာ ပင်းတယ မြို့ပြပြောက်ကျားတပ်ဖွဲ့က ပထမဆုံးတိုက်ခိုက်မှုအဖြစ် ဗုံးဖောက်ခွဲသတိပေးလိုက်တယ်လို့ သိရပါတယ်။

ပင်းတယမြို့ပြပြောက်ကျားတပ်ဖွဲ့ Urban Guerrillas of Pindaya- UGP ကို ဖေဖော်ဝါရီ  ၉ ရက်မှာ စတင်ဖွဲ့စည်းခဲ့ပြီး EPC ရုံးဟာ စစ်ကောင်စီအလိုကျ မီတာခွန် အတင်းအဓမ္မ လိုက်ကောက်တာ၊ မီတာမဆောင်သူတွေကို မီးဖြတ်မယ်ဆိုပြီး ခြိမ်းခြောက်နေတာကြောင့် အပျော့စား ဗုံးခွဲသတိပေးတာလို့  ပင်းတယမြို့ပြပြောက်ကျားတပ်ဖွဲ့က ဖေဖော်ဝါရီ ၁၀ ရက်မှာ ထုတ်ပြန်ထားပါတယ်။

ပင်းတယမြို့နယ်က ပြည်သူပြည်သားတွေရဲ့ လုံခြုံရေးကို ကာကွယ်နိုင်ဖို့ ပင်းတယ မြို့ပြ ပြောက်ကျား တပ်ဖွဲ့  UGP ကို ဖွဲ့စည်းတာလို့ ဆိုပါတယ်။