ဘိုကလေးမြို့တွင် ကာကွယ်ဆေးသုံးကြိမ်ထိုးထားသူ ၁ ဦး ကိုဗစ်ရောဂါကြောင့် သေဆုံး
DVB
·
February 7, 2022
ဧရာဝတီတိုင်းဒေသကြီး ဘိုကလေးမြို့မှာ ဖေဖော်ဝါရီ ၆ ရက် နေ့လယ်ပိုင်းက ကိုဗစ်- ၁၉ ကာကွယ်ဆေး သုံးကြိမ်ထိုးနှံပြီးတဲ့ နှလုံးရောဂါအခံရှိတဲ့ အမျိုးသမီးတစ်ဦး ကိုဗစ်-၁၉ရောဂါနဲ့ သေဆုံးခဲ့တယ်လို့ သိရပါတယ်။
မြို့နယ်ပြည်သူ့ဆေးရုံမှာ ဆေးကုသမှုခံယူနေတဲ့ အသက် (၄၈ နှစ်) အရွယ် အမျိုးသမီး တစ်ဦးသေဆုံးခဲ့တာလို့ ကျန်းမာရေးဝန်ထမ်းတွေက သိရပါတယ်။
“သေဆုံးတဲ့ အမျိုးသမီးက နှလုံးရောဂါအခံရှိတယ်။ ကာကွယ်ဆေးလည်း ၃ ကြိမ်ထိုးပြီးပြီ။ အောက်ဆီဂျင်ကျပြီး ဆေးရုံကိုရောက်လာတာ၊ မနက် ၁၁ နာရီ ၄၀ လောက်မှာဆုံးသွားတယ်။ ၂၀၂၂ ခုနှစ်မှာ ကိုဗစ်ရောဂါနဲ့ ပထမဆုံးသေဆုံးတာ” လို့ ကုတင် ၁၀၀ ဆေးရုံ ကျန်းမာရေးဝန်ထမ်းတစ်ဦးက ပြောပါတယ်။
၂၀၂၂ ခုနှစ်အတွင်း ဘိုကလေးမြို့နယ်မှာ ကိုဗစ်-၁၉ ရောဂါကူးစက်ခံရသူ အမျိုးသား ၃ ဦးနဲ့ အမျိုးသမီး ၅ ဦးတို့ကို မြို့နယ် ကုတင် ၁၀၀ ဆေးရုံမှာ ဆေးကုသပေးနေတယ်လို့ သိရပါတယ်။
