အောင်မြေသာစံမြို့နယ် ရပ်ကွက်ရုံး ၂ ရုံးတွင် ဗုံးကွဲ
DVB
·
February 2, 2022
မန္တလေးမြို့၊ အောင်မြေသာစံမြို့နယ်ရှိ ရပ်ကွက်ရုံး ၂ ရုံးမှာ ဖေဖော်ဝါရီ ၂ ရက်နေ့က ဗုံးပေါက်ကွဲမှုဖြစ်ခဲ့ပါတယ်။
အောင်မြေသာစံမြို့နယ်၊ ပုလဲငွေရောင်ရပ်ကွက်၊ လမ်း ၂၀၊ ၈၁ လမ်း နဲ့ ၈၂ လမ်းကြားရှိ ပုလဲငွေရောင်ရပ်ကွက်အုပ်ချုပ်ရေးမှူးရုံးမှာ မနက် ၅ နာရီဝန်းကျင်က လက်ပစ်ဗုံးပေါက်ကွဲခဲ့ပါတယ်။
ဒါ့အပြင် နေ့လယ် ၃ နာရီကျော်လောက်ကလည်း အောင်မြေသာစံမြို့နယ်၊ ပြည်ကြီးကျက်သရေအရှေ့ရပ်ကွက်၊ ၈၁လမ်း ၊၂၃ လမ်း နဲ့ ၂၄ ကြားရှိ ရပ်ကွက်ရုံးမှာလည်း လက်လုပ်မိုင်းပေါက်ကွဲမှုဖြစ်ခဲ့ပါတယ်။
ဗုံးပေါက်ကွဲမှုဖြစ်တဲ့ ပုလဲငွေရောင်ရပ်ကွက်အုပ်ချုပ်ရေးမှူးရုံး နဲ့ ပြည်ကြီးကျက်သရေအရှေ့ရပ်ကွက် အုပ်ချုပ်ရေးမှူးရုံးတို့မှာ ထိခိုက်ဒဏ်ရာရတာနဲ့ ပျက်ဆီးတာမရှိဘူးလို့ သိရပါတယ်။
