စစ်ကိုင်းတိုင်း၊ ယင်းမာပင်မြို့နယ် ​စစ်မှုထမ်း​ဟောင်းများ ​နေထိုင်တဲ့ ​အောင်​ဇေယျကွက်သစ် (​ဒေသ​ခေါ် ​ရွှေ​တောင်ဦးကုန်း) မှာရှိတဲ့ စစ်​ဆေး​ရေးဂိတ် ​ဖေ​ဖော်ဝါရီ ၁ ရက်​နေ့ ည​နေပိုင်းက ဒရုန်းယာဉ်နဲ့ ဗုံးကြဲတိုက်ခိုက်ခံခဲ့ရတယ်လို့ သိရပါတယ်။

အဲဒီစစ်​ဆေး​ရေးဂိတ်ဟာ မုံရွာ-ယာကြီး-က​လေးဝ လမ်းပိုင်းမှာတည်ရှိပြီး ခရီးသွားပြည်သူတွေကို စစ်​ကောင်စီတပ်ဖွဲ့က ပုံမှန်စစ်​ဆေး​ရေးပြုလုပ်​နေတဲ့ နေရာလည်းဖြစ်တယ်လို့ သိရပါတယ်။ 

​ဖေ​ဖော်ဝါရီ ၁ ရက်​ ည​နေ ၅ နာရီဝန်းကျင်​လောက်ဖြစ်ပြီး ဒရုန်းယာဥ်နဲ့ တိုက်ခိုက်ခံလိုက်ရတာလို့ ​ဒေသခံ​တွေက ​ပြောပါတယ်။

တိုက်ခိုက်လာတဲ့ ဒရုန်းယာဥ်ဟာ  ၂ စီးဖြစ်ပြီး ပထမ ဒရုန်းယာဥ်က ချတဲ့ဗုံးဟာ စစ်​ကောင်စီ တပ်ဖွဲ့တွေပေါ်ကို ထိမှန်ခဲ့တာ​ကြောင့် ၁၀ ဦးထက်မနည်း အတုံးအရုံး ဖြစ်သွားတယ်လို့ သိရ​ကြောင်း ​ဒေသခံ​တွေက ​ပြောပါတယ်။

ဒုတိယ​​မြောက်ဒရုန်းယာဥ်ကို​တော့ ကျန်ရှိတဲ့ စစ်​ကောင်စီတပ်သားများက ​သေနတ်နဲ့လိုက်ပစ်လို့ ဗုံးချကြဲနိုင်ခြင်း မပြုလုပ်ခဲ့နိုင်ဘဲ ဒရုန်းယာဥ်လည်း လွတ်​မြောက်သွားခဲ့တယ်လို့ ဆိုပါတယ်။

အဲဒီ​နေ့က အဲဒီစစ်​ဆေး​ရေးဂိတ်အနီးမှာ မုံရွာမြို့မှာကျင်းပတဲ့ တပ်​ထောက်ခံပွဲသွား​ရောက်ကြတဲ့ စစ်မှုထမ်း​ဟောင်းမိသားစုဝင်တွေကို ခရီးသည်တင်ကားများနဲ့ အကြိုအပို့ပြုလုပ်​ပေး​နေတာရှိပြီး လုံခြုံ​ရေးကိုလည်း ယခင်​နေ့​တွေကထက် ပိုမိုအင်အားဖြည့်ထားတဲ့အချိန်လည်း ဖြစ်တယ်လို့ သိရပါတယ်။

အဲဒီစစ်​ဆေး​ရေးဂိတ်ဟာ ယခင်တုန်းကလည်း ဒရုန်းနဲ့ တိုက်ခိုက်ခံခဲ့ရဖူးပြီး စစ်​ကောင်စီတပ်ဖွဲ့ ထိခိုက်မှု ရှိ၊ မရှိ မသိရပေမဲ့ အခုတိုက်ခိုက်ခံရမှုက​တော့ ထိခိုက်ကျဆုံးမှု​တွေ ရှိခဲ့တာလို့လည်း ​ပြောပါတယ်။

အခုလို တိုက်ခိုက်မှုကို ဘယ်အဖွဲ့အစည်းက ပြုလုပ်တယ်ဆိုတာ မသိရ​သေးသလို ထုတ်ပြန်​ကြေညာထားတာလည်း မရှိ​သေးပါဘူး။

ယင်းမာပင်မြို့နယ်ဟာ စစ်အာဏာရှင်ဆန့်ကျင်​​တော်လှန်​​ရေးမှာ အင်အား​ကောင်းစွာနဲ့ ​တော်လှန်​နေတဲ့ မြို့နယ်​တွေထဲက တစ်ခုဖြစ်ပြီး ဇန်နဝါရီ ၁ ရက်​နေ့ကလည်း အသံတိတ်သပိတ်ကို မြို့​ပေါ်နဲ့​ ကျေးလက်​ဒေသများပါမကျန် တညီတညွတ်တည်း ပြုလုပ်ခဲ့ကြပါတယ်။