နွေဦးတော်လှန်ရေးတိုက်ပွဲဝင် ဗိုလ်နဂါးနဲ့ ဟားငါးကောင်အဖွဲ့က ကိုတိုင်းကျော်တို့ ပါဝင် ဆွေးနွေးသွားကြမယ့် တော်လှန်ရေးစကားဝိုင်းတခု ပြုလုပ်သွားဖို့ ရှိနေပါတယ်။

“နဂါးတို့ စကားဝိုင်း”လို့ အမည်ပေးထားတဲ့ ဒီစကားဝိုင်းဆွေးနွေးပွဲကိုတော့ ဒီကနေ့ ဇန်နဝါရီ ၂၆ ရက်၊ မြန်မာစံတော်ချိန် ညနေ ၆ နာရီ မှာ အွန်လိုင်းကနေ တိုက်ရိုက် ထုတ်လွှင့်သွားမှာဖြစ်ပြီး D Day Channel နဲ့အတူ တခြား‌သော ဆက်စပ်ရုပ်သံလင့်ခ်တွေကတဆင့် ကြည့်ရှုနားဆင်နိုင်မှာ ဖြစ်ပါတယ်။

ဒီဆွေးနွေးပွဲမှာတော့ ဗိုလ်နဂါး၊ ကိုတိုင်းကျော်တို့နဲ့အတူ  စစ်သား CDM တွေထဲမှာ ပထမဦးဆုံး လက် ၃ ချောင်းထောင် မျက်နှာပြခဲ့တဲ့ ပြည်သူ့ဘက်တော်သား ကိုလင်းထက်အောင်၊ မရွှေမိုး(ကိုရီးယား) တို့ကလည်း ပါဝင်ဆွေးနွေးသွားကြမှာပါ။

မတရားစစ်အာဏာသိမ်းမှုကို မြန်မာပြည်သူတရပ်လုံးက ဆန့်ကျင်တော်လှန်ခဲ့ကြတဲ့ မြန်မာ့နွေဦးတော်လှန်ရေးဟာ လာမယ့် ဖေဖော်ဝါရီ ၁ ရက်မှာတော့ တနှစ်ပြည့်မြောက်ခဲ့ပြီ ဖြစ်ပါတယ်။

ဒီကာလတွေအတွင်း နိုင်ငံရေးမတည်ငြိမ်မှုတွေနဲ့အတူ ကျန်းမာရေး၊ စီးပွားရေး၊ လူမှုရေး ကဏ္ဍတွေအသီးသီးမှာ အဘက်ဘက်က ကျဆင်းနေခဲ့တာပါ။

အမျိုးသားညီညွတ်ရေးအစိုးရ(NUG)ကတော့ စစ်အာဏာရှင်ဆန့်ကျင်ရေး ခုခံတွန်းလှန် စစ်စတင်ကြောင်းနဲ့ မင်းအောင်လှိုင် ဦးဆောင်တဲ့ အကြမ်းဖက်စစ်အုပ်ချုပ်ရေးကို လှည်း နေလှေအောင်း မြင်းဇောင်းမကျန် တွန်းလှန်တိုက်ဖျက်ကြဖို့ ပြီးခဲ့တဲ့ ၂၀၂၁ ခုနှစ်၊ စက် တင်ဘာ ၇ ရက်မှာ ကြေညာထားခဲ့ပြီး အာဏာရှင်စနစ်ကို ဆန့်ကျင်တွန်းလှန်နေကြတဲ့ လူ ထုတိုက်ပွဲတွေဟာလည်း အရှိန်အဟုန်နဲ့ အားကောင်းနေဆဲ ဖြစ်ပါတယ်။