၂၀၂၁ တနှစ်လုံးဟာ စံချိန်တင် အပူဆုံးနှစ်တွေထဲက တနှစ်ဖြစ်ခဲ့တယ်လို့ ကုလသမဂ္ဂ မိုးလေဝသ အဖွဲ့အစည်း (WMO) က ထုတ်ပြန်ထားပါတယ်။ 

လွန်ခဲ့တဲ့ ၂၀၁၄ ခုနှစ်ကစပြီး ၇ နှစ်ဆက်တိုက် တနှစ်ပြီးတနှစ် အပူချိန် စံချိန်တင်နေတာတွေကို မှတ်တမ်းရယူထားခဲ့တယ်လို့ အစီရင်ခံစာမှာ ဖော်ပြထားပါတယ်။

၂၀၂၁ ခုနှစ်ဆန်းပိုင်းမှာ လာနီညာရာသီဥတုအခြေအနေ သက်ရောက်မှုတခု အခိုက်အတန့်ဖြစ်ခဲ့လို့ အအေးလွန်လှိုင်းဖြတ်သန်းမှုကို ကြုံတွေ့ခဲ့ရပေမဲ့ ၂၀၂၁ ခုနှစ်ဟာ အပူချိန်အမြင့်မားဆုံး မှတ်တမ်းဝင်ထားတဲ့ ၇ နှစ်ရဲ့ အဆင့် ၅ မှာရှိပါတယ်။

၂၀၂၁ ရာသီဥတုအခြေအနေ အစီရင်ခံစာအရ ပင်လယ်သမုဒ္ဒရာတွေမှာ အက်ဆစ်ဓာတ် မြင့်တက်မှုရယ်၊ သမုဒ္ဒရာရေ အပူချိန်မြင့်တက်မှုတွေနဲ့အတူ ပင်လယ်ရေမျက်နှာပြင်မြင့်တက်မှုက ဒီနှစ်မှာ အမြင့်ဆုံးစံချိန်တင်ခဲ့ပါတယ်။

ဒီအစီရင်ခံစာကို စကော့တလန်မှာ အောက်တိုဘာ ၃၁ နဲ့ နိုဝင်ဘာ ၁၂ ရက်ကြား ကျင်းပခဲ့တဲ့ ကုလသမဂ္ဂ COP26 ညီလာခံအတွင်း  ထုတ်ပြန်ခဲ့တာပါ။

PHOTO-WMO