မြန်မာ-ထိုင်းနယ်စပ် မြဝတီမြို့တစ်ဘက်ကမ်း မဲဆောက်မြို့က မြန်မာရွှေ့ပြောင်းကျောင်းသားတွေကို ဒီဇင်ဘာ ၅ ရက်နေ့ မနက်ပိုင်းက ကိုဗစ်-၁၉ ကာကွယ်ဆေးထိုးပေးနေပါတယ်။
ရွှေ့ပြောင်းကျောင်းသား/သူတွေ ပညာရေး မနှောင့်နှေးစေဖို့နဲ့ စာသင်ချိန် ကိုဗစ်မကူးစက်စေလိုတာကြောင့် ကိုဗစ်-၁၉ ကာကွယ်ဆေးထိုးပေးတာလို့ ထိုင်းကျန်းမာရေးဌာနက ပြောပါတယ်။
အသက် ၁၂ နှစ်ဝန်ကျင်းနဲ့ ၁၂ နှစ်အထက် ရွှေ့ပြောင်းကျောင်းသားတွေကို မဲဆောက်မြို့ ကဖီဘန်းကျေးရွာ ၁ ရပ်ကွက် စာသင်ကျောင်းမှာ ကိုဗစ်-၁၉ ကာကွယ်ဆေး ပထမအကြိမ်ထိုးပေးတာပါ။
ကိုဗစ်-၁၉ ကာကွယ်ဆေးကို ဆာသူလေကျောင်းက ၂၀၀ ကျော်အပါအဝင် အခြားကျောင်းတွေက ကျောင်းသား/သူတွေ ထိုးနှံခဲ့ကြတယ်လို့ သိရပါတယ်။
မဲဆောက်မြို့ အပါအဝင် နယ်စပ် ၅ မြို့နယ်မှာ ရွှေ့ပြောင်းစာသင်ကျောင်း ၆၄ ကျောင်းရှိပြီး မြန်မာနိုင်ငံက ရွှေ့ပြောင်းကျောင်းသား သောင်းချီ ပညာသင်နေကြပါတယ်။
ပြီးခဲ့တဲ့ နိုဝင်ဘာ ၂၇ ရက်နေ့ကလည်း ကဖီဘန်းကျေးရွာ ၁ ရပ်ကွက်မှာ ထိုင်းလူမျိုးတွေအပါအဝင် ရွှေ့ပြောင်းမြန်မာအလုပ်သမားအယောက် ၂၀၀၀ ကို ကိုဗစ်ကာကွယ်ဆေး ထိုးနှံပေးခဲ့တယ်လို့ သိရပါတယ်။
