ပျော်ဘွယ်မြို့နယ်၌ ကုန်တင်ရထားမှောက်ပြီး မီးရထားဝန်ထမ်း ၂ ဦး သေဆုံး၊ ၄ ဦး ဒဏ်ရာရ
DVB
·
November 20, 2021
မန္တလေးတိုင်းဒေသကြီး၊ ပျော်ဘွယ်မြို့နယ်၊ မိုင်တိုင်အမှတ် ၂၈၅ နဲ့ ၂၈၆ ကြား ကျောင်းကုန်း ကျေးရွာအနီးတွင် ကုန်တင်ရထားတစ်စီး လမ်းချော် တိမ်းမှောက်ပြီး မီးရထားဝန်ထမ်း ၂ ဦး သေဆုံး၊ ၄ ဦး ဒဏ်ရာရသွားတယ်လို့ စစ်ကောင်စီပြန်ကြားရေးက သတင်းထုတ်ပါတယ်။
နိုဝင်ဘာ ၁၇ ရက် ညနေ ၅ နာရီခွဲလောက်က တောင်ငူမှ မန္တလေးသို့ မောင်းနှင်လာတဲ့ ကုန်ရထားဟာ ရမည်းသင်းနဲ့ ပျော်ဘွယ်ကြား ကျောင်းကုန်းကျေးရွာအနီး ရထားလမ်းမိုင်တိုင်အမှတ် ၂၈၅၊ တံတားအမှတ်၊ ၅၂၉ မှာ နွားအုပ်အားဝင်ရောက်တိုက်မိပြီး ရထားလမ်းချော်တိမ်းမှောက်သွားတာလို့ဆိုပါတယ်။
ရထားတိမ်းမှောက်ပြီး မီးရထားဝန်ထမ်း ၂ ဦး သေဆုံးခဲ့ပြီး ၄ ဦး ဒဏ်ရာရရှိခဲ့သလို ကုန်တင်ရထားတွဲတွေနဲ့ ရထားလမ်းပျက်စီးသွားတယ်လို့ သိရပါတယ်။
Photo -MOI
