ရန်ကုန်တိုင်း၊ မှော်ဘီမြို့နယ်မှာရှိတဲ့ အမှတ် ၅၀၁၀ တ့င်ကားတပ် စစ်ဆေးရေးဂိတ်ကို နိုဝင်ဘာ ၁၁ ရက် ဒီနေ့မနက် ၁၀ နာရီခွဲလောက်မှာ အမည်မသိလိုက်နက်ကိုင်အဖွဲ့က ဝင်ရောက်ပစ်ခတ်သွား ပါတယ်။
သနွေပင်ကျေးရွာမှာရှိတဲ့ အမှတ် ၅၀၁၀ တ့င်ကားတပ် စစ်ဆေးရေးဂိတ်ကို အမည်မသိအဖွဲ့က ဝင်ရောက် ပစ်ခတ်မှုကြောင့် စစ်ကောင်စီတပ်သား ၁ ဦး သေဆုံးပြီး ၁ ဦးထိခိုက်ဒဏ်ရာရရှိခဲ့တယ်လို့ စစ်တပ်နဲ့နီးစပ်တဲ့ အသိုင်းဝိုင်းက သိရပါတယ်။
ပစ်ခတ်မှုတွေဖြစ်ပွားပြီးနောက်ပိုင်း မှော်ဘီမြို့အဝင်စစ်ဆေးရေးဂိတ်နဲ့ တင်ကားတပ်ရင်းရှေ့ကို အင်အား အများအပြားနဲ့ပိတ်ဆို့ထားပြီး ဖြတ်သန်းသွားလာခွင့်ပါ ပိတ်ထားဆဲဖြစ်တယ်လို့ ဒေသခံတွေကပြောပါတယ်။
စစ်ဆေးရေးဂိတ်ကို လာရောက်ပစ်ခတ်ခဲ့တဲ့ သူတွေဟာ ဘယ်အဖွဲ့အစည်းကဖြစ်တယ်ဆိုတာ မသိရသေးလို အားလုံးလည်း ဖမ်းမမိဘဲ လွတ်မြောက်သွားခဲ့တယ်လို့ ဆိုပါတယ်။
စစ်ကောင်စီရဲ့ ထောက်တိုင်တွေနဲ့ စစ်ဆေးရေးဂိတ်တွေနဲ့ ကင်းစခန်းတွေကို ရန်ကုန်မြို့မှာ နေ့စဉ်ဆိုသလို ဖောက်ခွဲပစ်ခတ် တိုက်ခိုက်ခံရတာတွေ ရှိနေပါတယ်။
