ဟိန္ဒူဘာသာဝင်တွေ အထွတ်အမြတ်ထားရာ နေ့ထူးနေ့မြတ်ဖြစ်တဲ့  ဒီပါဝလီနေ့ (ခေါ်) ဒေဝါလီနေ့မှာ   ရခိုင်ပြည်နယ်ရှိ ဟိန္ဒူဘာသာဝင်တွေလည်း  နေအိမ်တွေမှာ မီးထွန်းပူဇော်ခဲ့ကြပါတယ်။ 

''ဒီနှစ်ကပွဲတော်ကျင်းပကြတာမဟုတ်ပါဘူး။ ဘာသာရေးအစဉ်အလာအရ မီးထွန်းပူဇော်ကြတာပါ။ ဒီနေ့ တစ်ညတည်းပါပဲ။''လို့ ဒေသခံ  ဟိန္ဒူ အမျိုးသမီးတစ်ဦးက MPA သို့ ပြောပါတယ်။

နှစ်စဉ် ဒီပါ၀လီပွဲတော်ကာလမှာ ဘုရားကျောင်းတွေ၊ လူနေအိမ်တွေ၊ ဈေးတွေနဲ့ အဆောက်အအုံတွေမှာ  ဆီမီးတွေကို လှပစွာထွန်းညှိပူဇော်ကာ စည်ကားသိုက်မြိုက်စွာ ကျင်းပလေ့ရှိတာပါ။ 

အခုနှစ်မှာတော့ မြန်မာနိုင်ငံမှာ စစ်အာဏာသိမ်းမှုကြောင့်  ပွဲတော်ကို မကျင်းပဖို့ ဟိန္ဒူဘာသာရေးအဖွဲ့ကြီးက ထုတ်ပြန်ထားပါတယ်။

 Photo - Kaung Mrat Naing /