ဧရာဝတီတိုင်း ဘိုကလေးမြို့ ဆတ်ကျွန်းကျေးရွာမှာ ဂဏန်းထောင်နေစဉ် မိကျောင်းဆွဲခံရတဲ့ အမျိုးသားတစ်ဦးကို ၃ ရက်ကြာတဲ့အထိ ပြန်မတွေ့သေးဘူးလို့ သိရပါတယ်။
ဆတ်ကျွန်းကျေးရွာအုပ်စု ပဒဲကောကျေးရွာမှာနေတဲ့ စိုင်းခန့်ဇော်ဟာ အောက်တိုဘာ ၁၂ ရက် ညနေပိုင်းက မြစ်ကမ်းဘေးမှာ ဂဏန်းထောင်နေစဉ် မိကျောင်းဆွဲခံခဲ့ရတာလို့ ဒေသခံတဦးက ပြောပါတယ်။
“ညနေ ၅ နာရီလောက် ကမ်းစပ်မှာ ဂဏန်းထောင်နေတုန်း မိကျောင်းဆွဲသွားတယ်။ တွေ့မလားလို့တော့ မြစ်ထဲ အစုန်အဆန် ရှာနေတာပဲ၊ ခုထိတော့ မတွေ့သေးဘူး” လို့ လိုက်လံရှာဖွေသူ ဒေသခံတစ်ဦးက ပြောပါတယ်။
မိချာင်းဆွဲခံရတဲ့ စိုင်းဇော်ခန့်ကို ကျေးရွာအတွင်းနေထိုင်သူတွေနဲ့ အုပ်ချုပ်ရေးအဖွဲ့ဝင်တွေပူးပေါင်းပြီး လိုက်လံရှာဖွေတာ ၃ ရက်ရှိပြီလို့ ဆိုပါတယ်။
ဘိုကလေးမြို့နယ်အတွင်းက ဘောဂဝတီကျေးရွာမှာ သြဂုတ် ၃၀ ရက်နေ့က အမျိုးသားတစ်ဦးနဲ့ ၂၂ ရက်နေ့က သရော်ချောင်းကျေးရွာမြစ်ကမ်းစပ်မှာ ရေချိုးနေတဲ့ အမျိုးသမီးတစ်ဦးတို့ မိကျောင်းကိုက်ဆွဲခံရလို့ သေဆုံးခဲ့တယ်လို့ သိရပါတယ်။
