ပဲခူးတိုင်းအရှေ့ခြမ်းတွင် တတိယမြောက် မိုင်တဲလ်တာဝါတိုင် ဖောက်ခွဲခံရ
DVB
·
October 4, 2021
ပဲခူးတိုင်း ညောင်လေးပင်မြို့အရှေ့ဘက် ရွှေကျင် မဒေါက်လမ်း ပုဇွန်မြောင်းရွာရှိ မိုင်တဲလ်တာဝါတိုင်ကို အောက်တိုဘာလ ၃ ရက် ည ၁၂ နာရီလောက်က ဖောက်ခွဲဖျက်ဆီးခဲ့တယ်လို့ Daik-U Defense Force နဲ့ မဟာမိတ်ပူးပေါင်းအဖွဲ့က ပြောပါတယ်။
ဒိုက်ဦးမြို့နယ် အုတ်ဝင်းရွာ မိုင်တဲလ်တာဝါတိုင် နဲ့ ညောင်လေးပင်မြို့နယ် ပြွန်တန်ဆာဒေသ နပဲပင် နဲ့ နှင်းဝိသံတံတားရွာမှာရှိတဲ့ တာဝါတိုင်တွေဟာလည်း ပြီးခဲ့တဲ့ရက်တွေက ဖောက်ခွဲခဲ့တယ်လို့ ဆိုပါတယ်။
တာဝါတိုင်ကို ဖောက်ခွဲခဲ့တဲ့ ရဲဘော်တွေလည်း သက်ဆိုင်ရာ တပ်စခန်းကို ချောမောစွာ ပြန်လည်ရောက်ရှိနေပြီလို့ ပူးပေါင်းအဖွဲ့က ပြောပါတယ်။
