ဧရာဝတီတိုင်း၊ ပုသိမ်မြို့၊ အမှတ် ၁၀ ရပ်ကွက် ညောင်ချောင်းကျေးရွာမှာ စက်တင်ဘာလ ၂၃ ရက်နေ့ ညနေပိုင်းက စစ်တပ်အမာခံသတင်းပေး ၁ ဦး သေနတ်နဲ့ အပစ်ခံခဲ့ရပြီးနောက် ကျေးရွာကို စစ်ကား ၈ စီးနဲ့ ပိတ်ဆို့ရှာဖွေတာတွေ ပြုလုပ်နေတယ်လို့ သိရပါတယ်။
စစ်တပ်အမာခံသတင်းပေး အမျိုးသား ကိုကျော်သိန်းထွန်း နေအိမ်မှာ ရှိနေချိန် ညနေ ၅ နာရီလောက်က သေနတ်နဲ့ ၂ ချက်လာရောက်ပစ်ခတ်သွားတာလို့ ဒေသခံတဦးကပြောပါတယ်။
"သူ့အိမ်မှာပဲ သေနတ်နဲ့လာပစ်သွားတာ သွေးအိုင်ထဲလဲနေတာ တွေ့တယ်၊ သေလား ရှင်လားတော့ မသိဘူး၊ ဆေးရုံကားနဲ့ခေါ်သွားပြီ။ ခုတော့ စစ်သားတွေ ၂၀၀ လောက်ရောက်လာပြီး စစ်ဆေးတာ တွေ လုပ်နေတယ်'' လို့ ပြောပါတယ်။
စစ်တပ်အမာခံသ တင်းပေးအမျိုးသားဟာ သေနတ်နဲ့ပစ်ခတ်ခံရပြီး မိနစ်ပိုင်းမှာ ကျေးရွာကို စစ်ကား ၈ စီးနဲ့ စစ်သားအင်အားအပြည့်ရောက်လာပြီး စစ်ဆေးတာတွေပြုလုပ်နေသလို ဧည့်စာရင်းစစ်ဖို့လည်းရှိတယ်လို့ ဆိုပါတယ်။
ပုသိမ်မြို့မှာ စစ်တပ်အာဏာသိမ်းပြီးနောက်ပိုင်း စစ်တပ်အမာခံ သတင်းပေး သေနတ်နဲ့ပစ်ခတ်ခံရတာ ပထမဆုံးအကြိမ်လည်း ဖြစ်ပါတယ်။
