ဟုမ္မလင်းမြို့နယ် နမ့်တောရဲစခန်း ဗုံးဖောက်ခွဲခံရ
DVB
·
September 13, 2021
စစ်ကိုင်းတိုင်း၊ ဟုမ္မလင်းမြို့နယ်၊ နမ့်တောကျေးရွာရှိ၊ နမ့်တောရဲစခန်း စက်တင်ဘာ ၁၂ ရက် ညနေ ၆ နာရီက ဗုံးဖောက်ခွဲခံရတယ်လို့ ဒေသခံတွေက ပြောပါတယ်။
ဗုံးနဲ့ပစ် ဖောက်ခွဲခံရတဲ့အတွက် စခန်းအတွင်းရှိ စစ်ကောင်စီတပ်သားတွေက ပြန်လည် ပစ်ခတ်တာရှိပေမယ့် ထိခိုက်ဒဏ်ရာရတာ မသိရဘူးလို့ ဒေသခံတဦးက ပြောပါတယ်။
“ရဲစခန်းဘက်ကနေ အသံအကျယ်ကြီးကြားလိုက်တယ်။ ဗုံးကြောင့် ထိခိုက်မရှိဘူးလို့ ပြောတယ်။ ဗုံးပစ်ခံရတော့ စခန်းက လူတွေလည်း ပြန်ပစ်တာပေါ့။ တခြား ထိခိုက်ဒဏ်ရာရှိတယ်လို့တော့ အခုထိ မသိရသေးဘူး။”
နမ့်တောရဲစခန်းကို ဗုံးနဲ့ပစ်တဲ့သူတွေကို ဖမ်းဆီးရမိတာ မရှိသလို ဘယ်အဖွဲ့က ပစ်တယ်ဆိုတာ မသိရသေးပါဘူး။
