မြန်မာပလာဇာအနီး ဗုံးကွဲ
DVB
·
September 6, 2021
ရန်ကုန်တိုင်း၊ ရန်ကင်းမြို့နယ်၊ မြန်မာပလာဇာအနီး မီးပွိုင့်ရှိ ယာဉ်ထိန်းရဲ အဆောက်အအုံနားမှာ စက်တင်ဘာ ၆ ရက် ဒီနေ့ မနက် ၄ နာရီလောက်က ဗုံးပေါက်ကွဲမှု ဖြစ်ပွားခဲ့တယ်လို့ ဒေသခံတွေထံက သိရပါတယ်။
အဆိုပါပေါက်ကွဲမှုကြောင့် လူထိခိုက်မှုမရှိပေမယ့် စစ်ကောင်စီ အကြမ်းဖက် လက်နက်ကိုင်တပ်တွေက ရန်ကုန်လမ်းမကြီးတချို့ကိုတော့ ပိတ်ဆို့စစ်ဆေးမှုတွေ ပြုလုပ်နေပါတယ်။
ရန်ကုန်မြို့တွင်း ဗန္ဓုလလမ်း၊ ကုန်စျေးတန်းမှတ်တိုင်၊ လမ်းမတော်၊ မော်တင်အပါအဝင် မီးပွိုင်အများစုနဲ့ လမ်းဆုံလမ်းခွတွေမှာလည်း စစ်တပ်နဲ့ ရဲတပ်ဖွဲ့ ပူးပေါင်းစစ်ဆေးနေပါတယ်။
