စစ်အာဏာရှင်ဆန့်ကျင့်ရေး ထားခရိုင် ထားယ်၊ လောင်းလုံးနဲ့ ရေဖြူမြို့နယ်တို့မှာ စစ်အာဏာရှင်ဆန့်ကျင်ရေး ဒီနေ့ ဆန္ဒပြခဲ့ကြပါတယ်။

ထားဝယ်မြို့ပေါ်မှာ အကြမ်းဖက်စစ်ကောင်စီတပ်သားတွေရဲ့ ဖိနှိပ်မှုများစွာရှိနေနေပေမယ့် ဒီနေ့ နေ့လယ်ပိုင်းမှာ လူငယ်တွေက စစ်အာဏာရှင်စနစ်ဆန့်ကျင်ရေး ဆန္ဒထုတ်ဖော်ခဲ့ကြတာပါ။

ထားဝယ်မြို့မှာ အကြမ်းဖက်စစ်ကောင်စီတပ်သားတွေက အပြင်ထွက်ခွင့်ကတ်ပြားတွေ သတ်မှတ်ပြီး ပြည်သူလူထုရဲ့ လွတ်လပ်စွာသွားလာခွင့်ကို ချိုးဖောက်ကာ ဖိနှိပ်ချုပ်ခြယ်တာတွေ ပြုလုပ်နေတယ်လို့ ဆိုပါတယ်။

လောင်းလုံးမြို့နယ်မှာ အမျိုးသမီးတွေ၊ လူငယ်တွေ၊ ကျောင်းသူ/သားတွေ ပူးပေါင်းပြီး “အာဏာရှင်တွေရဲ့ လက်အောက် တော်လှန်သူတို့ ဒူးမထောက်၊ ပြည်သူ့စစ်သား ရဲဘော်များအား ကြိုဆိုပါ၏” စတာတွေ ကိုင်ဆောင်ကာ   စစ်အာဏာရှင်စနစ်ဆန့်ကျင်ရေး ချီတက်ဆန္ဒထုတ်ဖော်ခဲ့ကြပါတယ်။

စစ်အာဏာရှင်စနစ်အမြစ်ပြတ်ရေးနဲ့ ဖယ်ဒရယ် ဒီမိုကရေစီရရှိရေးတို့အတွက် လောင်းလုံးမြို့နယ်အတွင်းရှိ လူငယ်တွေကလည်း အကြမ်းမဖက်လူထုလှုပ်ရှားမှုနည်းလမ်းနဲ့ နေ့စဉ် ဆန္ဒပြနေကြပါတာပါ။

ထားဝယ်ခရိုင်၊ ရေဖြူမြို့နယ်အတွင်းမှာလည်း လူငယ်တွေက “တော်လှန်ရေးဆိုတာ အသက်အရွယ်နဲ့မဆိုင်ဘူး၊ ကျွန်စိတ်မရှိဖို့ပဲလို့တယ်၊ အနာဂတ်မှာ အာဏာရှင်စနစ်မှန်သမျှ လုံးဝမရှိစေရ” စတဲ့ပိုစတာတွေကိုင်ဆောင်ကာ စစ်အာဏာရှင်စနစ်ဆန့်ကျင်ရေး ဆန္ဒပြခဲ့ကြပါတယ်။ဓာတ်ပုံ - DMSC-Dawei