စစ်ကိုင်းတိုင်း ရွှေဘိုမြို့မှာ ဩဂုတ် ၁၄ ရက်မနက်ပိုင်းက Myanmar Rescue Organization-Shwebo နဲ့ စက်ဘီးစီးအဖွဲတို့ ပူပေါင်းပြီး ရပ်ကွက် ၅ ခုက အိမ်ထောင်စု ၄၀၀၀ ကျော်ကို ခရမ်းချည်သီး၊ မုန်လာထုပ်စတဲ့ စားသောက်ကုန်စိမ်းတွေ ဝေငှခဲ့ကြပါတယ်။
“ဝေပေးတာကတော့ အမှတ် ၁၊ ၉၊ ၁၀၊ ၄၊ ၅ ရပ်ကွက်တွေကိုပါ။ ခရမ်းချဉ်သီး၊ မုန်လာထုပ်၊ ပန်းမုန်လာ၊ ဂေါ်ရခါးသီးတွေကို ဝေပေးတာပါ။ အခုထိ ဆက်ဝေနေဆဲပါ။ နောက်ထပ်လည်း ဆက်ဝေဖို့ အစီအစဉ်တွေ ရှိပါတယ်”လို့ Myanmar Rescue Organization-Shwebo တာဝန်ရှိသူတစ်ဦးက ပြောပါတယ်။
မြန်မာနိုင်ငံမှာ စစ်အာဏာသိမ်းပြီးနောက်ပိုင်း ကိုဗစ်တတိယလှိုင်းဒဏ်ကို အလူးအလဲခံနေ ကြရတာဖြစ်လို့ အလုပ်အကိုင်အခက်အခဲတွေနဲ့ ရင်ဆိုင်နေတဲ့အတွက် ပြည်သူမှ ပြည်သူသို့ အစီးအစဉ်တွေလုပ်ပြီး ရပ်ကွက်တစ်ခုစီကစပြီး တမြို့လုံးအဆုံး နိုင်ရာနိုင်ရာ ပြည်သူအချင်းချင်း မျှဝေကူညီနေကြတာလည်း ဖြစ်ပါတယ်။
