သထုံအကျဉ်းထောင်ရှိ အကျဉ်းသား ၆၀၀ ကိုဗစ်ကာကွယ်ဆေးထိုး
DVB
·
August 6, 2021
မွန်ပြည်နယ်၊ သထုံအကျဉ်းထောင်မှာ သြဂုတ် ၆ ရက်မနက်ကစပြီး အကျဉ်းသား ၆၀၀ ကို ကိုဗစ်-၁၉ ရောဂါကွယ်ဆေးထိုးပေးခဲ့တယ်လို့ သထုံဆေးရုံတာဝန်ရှိသူထံက သိရပါတယ်။
သထုံဆေးရုံ တာဝန်ရှိသူက “ဒီမနက်က ကျမတို့ သထုံက အကျဉ်းထောင်မှာရှိတဲ့အကျဉ်းသားတွေ ကိုဗစ် ကာကွယ်ဆေး စတင်ထိုးမယ်။ အခုက သထုံအကျဉ်းထောင်မှာ အကျဉ်းသား ၆၀၀ လောက်ရှိတယ်။ သူတို့အကုန်လုံးကို ကိုဗစ်ကာကွယ်ဆေး ထိုးပေးခဲ့တယ်။”လို့ ပြောပါတယ်။
ရန်ကုန်နဲ့ မန္တလေးအပါအဝင် တခြားဒေသတွေမှာ ရှိတဲ့ အကျဉ်းထောင်တွေမှာလည်း ကိုဗစ်ကာကွယ်ဆေးတွေ ထိုးပေးနေပြီး သထုံအကျဉ်းထောင်မှာတော့ အခုမှ အကျဉ်းသားတွေ ပထမဆုံးအကြိမ် စတင်ထိုးပေးတာဖြစ်ပါတယ်။
