ဘိုကလေးမြို့နယ်ကို Stay at Home သတ်မှတ်
DVB
·
July 18, 2021
ဧရာဝတီတိုင်း၊ ဘိုကလေးမြို့နယ်မှာ ကိုဗစ်-၁၉ တတိယလှိုင်းအတွင်း နေ့စဉ်ရောဂါ ကူးစက်ခံရသူနဲ့ သေဆုံးသူ များလာတာကြောင့် ဇူလိုင် ၁၇ ရက်က စပြီး Stay at home မြို့နယ် သတ်မှတ်လိုက်တယ်လို့ မြို့နယ်ကျန်းမာရေးအထောက်အကူပြုကော်မတီထံက သိရပါတယ်။
ဘိုကလေးမြို့မှာ ဇူလိုင် ၁၇ ရက် ည ၈ နာရီအထိ ကိုဗစ်-၁၉ အတည်ပြုလူနာ ၁၈၀ ဦး ၊ သေဆုံးသူ ၇ ဦး ရှိလာတာကြောင့် ဇူလိုင် ၁၇ ရက်ကနေ ၂၅ ရက်အထိ Stay at home သတ်မှတ်လိုက်ပြီး အပြင်မထွက်ဘဲ နေအိမ်မှာနေထိုင်ပေးကာ မိမိမြို့ကို ကာကွယ်ပေးဖို့ ကော်မတီက အသိပေးထားပါတယ်။
ကိုဗစ်တတိယလိုင်းကာလ ဘိုကလေးမြို့နယ်က ဖိုးလေးရွာမှာ ကိုဗစ်အတည်ပြုလူနာ ၂ ဦး ဇွန် ၂၈ ရက်က စတင်တွေရှိခဲ့ပြီး ဇူလိုင် ၁၅ ရက်မှာတော့ ကိုဗစ်ရောဂါနဲ့ ဆေးရုံတက် ရောက်ကုသနေသူ အသက် ၇၁ နှစ်အရွယ် အမျိုးသမီး စတင် သေဆုံးခဲ့ပါတယ်။
