ပုသိမ်မြို့မှာ ဇူလိုင် ၈ ရက်​နေ့ တ​နေ့တည်း ကိုဗစ်​-၁၉ ရောဂါကြောင့် ၁၃ ဦး သေဆုံးခဲ့တယ်လို့ သိရပါတယ်။

ဇူလိုင် ၁ ရက်​​နေ့ကနေ ၈ ရက်​နေ့အထိ ကိုဗစ်​-၁၉ ရောဂါ​ကြောင့်​ သေဆုံးသူ ၃၇ ဦးအထိ ရှိပြီလို့ သိရှိရပါတယ်။

ပုသိမ်မြို့ခံတစ်ဦးက "အခု ကိုဗစ်က တမြို့လုံး ပျံ့​​နေတယ်။ ​ကိုဗစ်​ကြောင့် ​သေတာ​တွေ များလာတယ်လည်းကြားရတယ်။ အောက်ဆီဂျင်လိုအပ်ချက်​တွေလည်း ဖြစ်တယ်၊ ကုသဖို့ ​နေရာအခက်အခဲ​​တွေလည်း ဖြစ်​နေတယ်။ ကြိုတင်စီမံမှုမရှိ​တော့ ပြည်သူ​တွေ ခံစားရတာ​လေ" လို့ ​ပြောပါတယ်။

ကိုဗစ်တတိယလှိုင်းကာလ ​သေဆုံးသူတွေတွေဟာ ​ရောဂါအခံရှိသူတွေနဲ့ အသက်ကြီးသူအများစု ဖြစ်​တယ်လို့ သိရပါတယ်။

ပုသိမ်မြို့မှာ ဇူလိုင် ၇ ရက်​နေ့ကလည်း ကိုဗစ်ပိုး​တွေ့သူ ၁၀၆ ဦးရှိပြီး ကိုဗစ်​ရောဂါဖြစ်ပွားမှုနှုန်း မြင့်တက်လာ​နေတာပါ။

ဧရာဝတီတိုင်း ပုသိမ်မြို့မှာ ဇူလိုင် ၈ ရက်နေ့အထိ ကိုဗစ်-၁၉ အတည်ပြုလူနာ ၇၀၀ ကျော်နဲ့ သေဆုံးသူ ၃၇ ဦးရှိပြီလို့ သိရပါတယ်။