လားရှိုးအကျဉ်းထောင်မှ ၁၇ ဦး လွတ်မြောက်
DVB
·
July 1, 2021
အကြမ်းဖက်စစ်ကောင်စီက အဓမ္မဖမ်းဆီးထားတဲ့ အပြစ်မဲ့ပြည်သူတွေထဲက အမျိုးသား ၁၃ ဦးနဲ့ အမျိုးသမီး ၄ ဦးတို့ ဇွန် ၃၀ ရက်နေ့ညနေက ရှမ်းပြည်နယ်မြောက်ပိုင်း၊ လားရှိုးအကျဉ်းထောင်ကနေ လွှတ်ပေးခဲ့ပါတယ်။
လွတ်မြောက်လာသူတွေဟာ စစ်အာဏာသိမ်းမှုကို အလိုမရှိကြောင်း ငြိမ်းချမ်းစွာဆန္ဒဖော်ထုတ်ခဲ့တဲ့ ပြည်သူတွေပါ၀င်သလို စစ်ဘေးရှောင်ဒုက္ခသည်တွေကို သွားရောက်ကူညီလို့ အကြမ်းဖက်စစ်ကောင်စီက အဓမ္မဖမ်းဆီးပြီး ပုဒ်မ ၅၀၅(က)နဲ့ တရားစွဲခံထားသူတွေဖြစ်ပါတယ်။
ရှမ်းပြည်နယ်မြောက်ပိုင်းအတွင်းက မြို့နယ်အသီသီးမှာ အကြမ်းဖက်စစ်ကောင်စီက အဓမ္မဖမ်းဆီးထားသူ ၅၀ ကျော်ရှိနေပြီး အဲ့ဒီအထဲက အမှုစွဲတင်မရတဲ့ ၁၇ ဦးကို လွှတ်ပေးလိုက်တာပါ။
