ထားဝယ်တွင် ဆလိုင်းတင်မောင်ဦး ကျဆုံးခြင်း ၄၅ နှစ်ပြည့် အထိမ်းအမှတ် ဆန္ဒပြ
DVB
·
June 26, 2021
တနင်္သာရီတိုင်းဒေသကြီး၊ ထားဝယ်မြို့မှာ ဇွန်လ ၂၆ ရက်နေ့က ဆလိုင်းတင်မောင်ဦး ကျဆုံးခြင်း ၄၅ နှစ်ပြည့် အထိမ်းအမှတ်အဖြစ် စစ်အာဏာရှင်ကို ဆန္ဒပြခဲ့တာပါ။
ကျောင်းသားခေါင်းဆောင် ဆလိုင်းတင်မောင်ဦး ကြိုးမိန့်ပေးသတ်ဖြတ်ခံရတဲ့ ဒီနေ့ဆိုရင် ၄၅ နှစ်ပြည့်မြောက်သွားပြီ ဖြစ်ပါတယ်။
ဒီနေ့မှာတော့ ထားဝယ်ပြည်သူတွေက ဆလိုင်းတင်မောင်ဦး နောက်ဆုံးပြောခဲ့တဲ့ "မင်းတို့ စစ်ဖိနပ်အောက်မှာ ငါဘယ်တော့မှ ဒူးမထောက်နိုင်ဘူး" ဆိုတဲ့ စာတန်း ကိုင်ဆောင်ပြီး ကြွေးကြော်ဆန္ဒပြခဲ့ကြပါတယ်။
ကျောင်းသားခေါင်းဆောင် ဆလိုင်းတင်မောင်ဦးကို ၁၉၇၆ ခုနှစ် ဇွန်လ ၂၆ ရက်မှာ နေဝင်း ဦးဆောင်တဲ့ လမ်းစဉ်ပါတီ အစိုးရက အင်းစိန်ထောင်မှာ ကြိုးပေးသတ်ဖြတ်ခဲ့တာပါ။
