ချောင်းဦးမြို့နယ် ကျီးကုန်းရွာအန်အယ်လ်ဒီရုံးကို အကြမ်းဖက်စစ်တပ်က ဖျက်ဆီး
DVB
·
June 19, 2021
စစ်ကိုင်းတိုင်း၊ ချောင်းဦးမြို့နယ်၊ ကျီးကုန်းကျေးရွာမှာ ဇွန်လ ၁၉ ရက် မနက်အစောပိုင်းက အန်အယ်လ်ဒီပါတီ ရပ်ကျေးရုံးကို စစ်တပ်က ဖျက်ဆီးသွားပါတယ်။
“အခုမနက်ပိုင်း အကြမ်းဖက်စစ်တပ်က ကျနော်တို့ ကျီးကုန်းရွာမှာရှိတဲ့ အန်အယ်လ်ဒီရုံးကို ဝင်ရောက်ဖျက်ဆီးတာတွေပြုလုပ်တယ်။ အဲဒီမှာ ဆိုင်းဘုတ်တင်ထားတွေပဲ ရှိတယ်။ ကျန်တာ ဘာမှ မရှိဘူး။ အဲဒီမှာရှိတဲ့ ပစ္စည်းတွေ ဖျက်ဆီးသွားတယ်။ အိမ်ရှင်တွေ မရှိဘူး။ ဆိုင်းဘုတ် မီးရှို့သွားတယ်”လို့ ဒေသခံရွာသားတစ်ဦးက ပြောပါတယ်။
စစ်တပ်အာဏာသိမ်းပြီးနောက် အန်အယ်လ်ဒီဗဟိုဌာနချုပ်နဲ့ ပြည်နယ်နဲ့တိုင်းရုံးတွေကို အကြမ်းဖက်စစ်ကောင်စီက ချိတ်ပိတ်တာ မြို့နယ်နဲ့ ရပ်ကျေးရုံးတွေကို ဖျက်ဆီးတာတွေကို တနိုင်ငံလုံး အတိုင်းအတာနဲ့ပြုလုပ်နေတာဖြစ်ပါတယ်။
