မော်လမြိုင်က အထက်တန်းကျောင်းသူ ၁ ဦးတွင် ကိုဗစ်-၁၉ ရောဂါ စစ်ဆေးတွေ့ရှိ
DVB
·
June 15, 2021
မွန်ပြည်နယ်၊ မော်လမြိုင် အမှတ်(၉) အခြေခံပညာအထက်တန်းကျောင်းက ၁၀ တန်းကျောင်းသူ တစ်ဦးမှာ ကိုဗစ်-၁၉ ရောဂါပိုး စစ်ဆေး တွေ့ရှိခဲ့တယ်လို့ ကိုဗစ် အရေးကူညီနေသူတွေက ပြောပါတယ်။
အဲဒီကျောင်းသူမှာ ကိုဗစ်ရောဂါ လက္ခဏာတွေ့ရှိခဲ့လို့ ရောဂါပိုး ရှိ မရှိ စစ်ဆေးရာမှ ဇွန်လ ၁၅ ရက်နေ့ရောဂါပိုးတွေ့ရှိခဲ့တာ ဖြစ်ပါတယ်။
ရောဂါပိုး တွေ့ရှိခဲ့တဲ့အတွက်ကြောင့် မိသားစုဝင်တွေကို ကိုဗစ်ရောဂါပိုး ရှိ မရှိ စစ်ဆေးရာမှာ အဘိုးဖြစ်သူမှာလည်း ရောဂါပိုး ထပ်မံ တွေ့ရှိခဲ့တာပါ။
အဆိုပါ ၁၀ တန်းကျောင်းသူမှာ ကိုဗစ်ရောဂါပိုး တွေ့ရှိခဲ့လို့ သူရဲ့ ထိစပ်ခဲ့တဲ့ ဆရာမတွေနဲ့ အတန်းဖော် ကျောင်းသား ကျောင်းသူ ၃၅ ဦးကိုလည်း ရောဂါပိုး စစ်ဆေးသွားဖို့ ရှိနေပါတယ်။
မွန်ပြည်နယ်မှာတော့ ဇွန်လ ၁၅ ရက်နေ့အထိ ကိုဗစ်အတည်ပြုလူနာ ၃၃ ဦး ထိ ရှိလာခဲ့တာ ဖြစ်ပြီး အဲဒီထဲမှာ ၃ ဦး သေဆုံးထားပါတယ်။
