မိုးမိတ်မြို့တွင် ကလေး ၃ ဦးကို အကြမ်းဖက်စစ်အုပ်စုက ဖမ်းဆီး
DVB
·
June 12, 2021
ရှမ်းပြည်နယ်မြောက်ပိုင်း၊ မိုးမိတ်မြို့မှာ ဇွန်လ ၁၁ ရက် ညနေပိုင်းက အသက် ၁၅ နှစ်ဝန်းကျင် ကလေး ၃ ဦးကို အကြမ်းဖက်စစ်အုပ်စုက နေအိမ်တွေမှာ လာရောက် ဖမ်းဆီးသွားပါတယ်။
မန်းကျည်ပင်ရွာက ကလေးတစ်ယောက်၊ မိုးဟောက်ရွာက ကလေးနှစ်ယောက် စုစုပေါင်း သုံးယောက် ဖမ်းဆီးခံထားရတယ်လို့ ဒေသခံရွာသားတွေကပြောပါတယ်။
ကလေးတွေကို နေအိမ်မှာ လာရောက်ဖမ်းဆီးချိန်မှာ အကြမ်းဖက်စစ်အုပ်စုက ကလေးတွေကို ရိုက်နှက်တာမျိုးတွေရှိတယ်လို့လည်း ပြောပါတယ်။
ဇွန်လ ၁၀ ရက်နေ့က ကျောင်းတက်သူ ဒလန်လို့ ပြောတာကြောင့် ဖမ်းဆီးခံရတဲ့ ကလေးတစ်ယောက်နဲ့ ဆက်စပ်ပြီး လာဖမ်းတာဖြစ်တယ်လို့ သိရပါတယ်။
