စစ်ကိုင်းတိုင်း၊ ယင်းမာပင်မြို့နယ် ​ကွေ့​ချောင်း​ကျေးရွာကို ဇွန်လ ၄ ရက်မနက်ပိုင်း ၇ နာရီခွဲလောက်က အကြမ်းဖက်စစ်​ကောင်စီတပ်​တွေ ဝင်​ရောက်လာပြီး ​ဒေသခံရွာသား ၃ ဦးထက်မနည်းကို ဖမ်းဆီးသွားပါတယ်။

“ရွာအတွင်းက သဲအိတ်​တွေဖယ်ပြီး ​နေအိမ်​တွေထဲလည်း ရှာ​ဖွေမှု​တွေလုပ်တယ်။ ဘာရှာတာလည်း မသိဘူး။ ​တွေ့ရာလူကိုလည်း ဖမ်းတယ်။ လက်ရှိအချိန်ထိ ၃ ဦးထက်မနည်း ဖမ်းခံထားရတယ်” လို့ ​ဒေသခံပြည်သူက ​ပြောပါတယ်။

စစ်​ကောင်စီတပ်​တွေဟာ ရွာထဲကမပြန်​သေးတာ​ကြောင့် ​ဒေသခံပြည်သူ​တွေ ​​ရွာထဲမ​နေရဲပဲ ထွက်ပြေး တိမ်း​ရှောင်​နေကြရပါတယ်။