တောင်တွင်းကြီးမြို့မှာ CDM အလယ်တန်း ကျောင်းဆရာမတစ်ဦးကို မတ်လ ၂၇ ရက်နေ့ ည ၇ နာရီ လောက်မှာ စစ်ကောင်စီတပ်တွေက နေအိမ်မှာ လာရောက်ဖမ်းဆီးခေါ် ဆောင်သွားတယ်လို့ သိရပါတယ်။

''ဆရာမနေတဲ့အိမ်ကို အရပ်ဝတ်နဲ့သူတွေ ရောက်လာပြီး မေးစရာရှိလို့ ရဲစခန်းကို ခဏလိုက်ခဲ့ပါလို့ ပြောနေချိန် စစ်ကားနဲ့ စစ်သားတွေထပ် ရောက်လာပြီး ဆရာမကြီးကို ခေါ်သွားတာပဲ။ ဆရာမကတော့ ဘာမှစိတ်မပူဖို့မှာသွားတယ်။ ဘယ်ကိုခေါ်သွားလည်းတော့ မသိရသေးဘူး'' လို့ မိသားစုနဲ့နီးစပ်သူတဦးက ပြောပါတယ်။

DVB က တောင်တွင်းကြီးရဲစခန်းကို ဆက်သွယ်မေးမြန်းခဲ့ပေမယ့် တာဝန်ကျရဲအရာရှိက ဖြေဆိုဖို့ ငြင်းဆန်ပါတယ်။

ကျောင်းဆရာမ ဒေါ်နီနီညွန့်ကို အာဏာဖီဆန်ရေး (CDM) လှုပ်ရှားမှုမှာ ပါဝင်တဲ့အတွက် မတ်လ ၅ ရက် နေ့မှာ တာဝန်က ယာယီရပ်ဆိုင်းကြောင်း စစ်ကောင်စီက အမိန့်ကြေညာစာ ထုတ်ပြန်ခဲ့ပါတယ်။