ပင်လည်ဘူးမြို့နယ် အန်အယ်လ်ဒီအမတ်နှင့် ဒေသခံ ၃ ဦး ဖမ်းဆီးခံရ
DVB
·
May 20, 2021
စစ်ကိုင်းတိုင်း၊ ပင်လည်ဘူးမြို့နယ် တိုင်းဒေသကြီးအမှတ်(၂) ကိုယ်စားလှယ် ဦးသန်းလှိုင်နဲ့ ဒေသခံ ၃ ဦးကို အကြမ်းဖက်စစ်အုပ်စုက ဒီကနေ့ မေလ ၂၀ ရက်မှာ ဖမ်းဆီးလိုက်ပါတယ်။
မြို့နဲ့ မိုင် ၂၀ လောက်ဝေးတဲ့ ကျေးရွာတစ်ရွာနားမှာ ရှောင်နေရင်း ဒီနေ့ မနက်ပိုင်းမှာ အကြမ်းစစ်တပ်တွေ မတရားဖမ်းဆီးသွားတာလို့ သူ့ရဲ့ မိသားစုဝင်တွေက ပြောပါတယ်။
သူနဲ့အတူ ဒေသခံ အရပ်သား ၃ ယောက်လည်း ဖမ်းဆီးခံရပြီး ဘာကြောင့်ဖမ်းဆီးတယ် ဘယ်ခေါ်သွားတယ်ဆိုတာကိုတော့ မသိရသေး ပါဘူး။
