ရခိုင်ပြည်နယ်၊ ပေါက်တောမြို့နယ် အခြေခံပညာကျောင်းတွေက ဆရာ ဆရာမ ၁၅ ဦးကို အကြမ်းဖက်စစ်အုပ်စုက တာဝန်ကနေ ယာယီရပ်နားလိုက်ပါတယ်။ 

အထက်တန်းပြ ၇ ဦး၊ အလယ်တန်းပြ ၅ ဦး ၊ မူလတန်းပြ ၂ ဦးနဲ့ လက်ထောက်တ မူပြတစ်ဦး စုစုပေါင်း ၁၅ ဦးကို တာဝန်ကနေရပ်ဆိုင်းလိုက်တာလို့ ပြည်နယ်ပညာရေးမှူးကိုယ်စား ဒုညွှန်ကြား ရေးမှူး ဒေါက်တာ ထွန်းထွန်းသိန်းက မေလ ၁၃ ရက်နေ့စွဲနဲ့ ထုတ်ပြန်ထားတာဖြစ်ပါတယ်။ 

အဆိုပါ ဆရာ ဆရာမတွေဟာ ခွင့်စည်းကမ်းကိုဖောက်ဖျက်ပြီး ခွင့်မဲ့ပျက်ကွက်ခဲ့တာ၊ လုံလောက်တဲ့ အကြောင်းပြချက်မရှိဘဲ တာဝန်ချိန်ပျက်ကွက်နေတယ်ဆိုကာ မေလ ၇ ရက်နေ့ကစပြီးတာဝန်က ယာယီရပ်နားလိုက်တာလို့လည်းဆိုပါတယ်။

မြန်မာနိုင်ငံတဝန်းမှာ စာသင်ကျောင်းတွေကို ဇွန်လဆန်းမှာ ပြန်ဖွင့်ဖို့ စီစဉ်နေသလို   CDM ဆရာဆရာမတွေကိုလည်း ဖမ်းဆီးတာ၊ အမှုဖွင့်တာ၊ အလုပ်ရပ်နားတာ၊  အလုပ်ပြန်လုပ်ဖို့ ဖိအားပေးတာ ခြိမ်းခြောက်တာ စတဲ့ နည်းမျိုးစုံနဲ့ ပြုလုပ်နေပါတယ်။