မော်လမြိုင်က တက္ကသိုလ်ကျောင်းသား ကျောင်းသူ ၈ ဦး ဖမ်းဆီးခံရ
DVB
·
May 18, 2021
မွန်ပြည်နယ် မော်လမြိုင်က တက္ကသိုလ်ကျောင်းသား၊ ကျောင်းသူ ၈ ဦးကို အကြမ်းဖက် စစ်ကောင်စီရဲ့ စစ်တပ်နဲ့ ရဲတွေက မေလ ၁၇ ရက် ညပိုင်းမှာ ဖမ်းဆီးသွားခဲ့တယ်လို့ မော်လမြိုင်တက္ကသိုလ်ကျောင်းသားများသမဂ္ဂက ထုတ်ပြန်လိုက်ပါတယ်။
ဖမ်းဆီးခံရတဲ့ ကျောင်းသား၊ကျောင်းသူတွေဟာ မော်လမြိုင်မြို့၊ ဇေယျာမြိုင်ရပ်ကွက်အတွင်းရှိ နေအိမ်တအိမ်မှာ ခေတ္တစုစည်း နေထိုင်နေစဉ် အကြမ်းဖက် စစ်အုပ်စုက ဝင်ရောက် ဖမ်းဆီးခဲ့တာ ဖြစ်ပါတယ်။
ဖမ်းဆီးခံရတဲ့ ကျောင်းသား၊ကျောင်းသူတွေထဲမှာ မော်လမြိုင်တက္ကသိုလ်က ၂ ဦး၊ အစိုးရ စက်မှုလက်မှုသိပ္ပံ (မော်လမြိုင်) က ၅ ဦး၊ မော်လမြိုင် တက္ကသိုလ် အဝေးသင်ကျောင်းသား ၁ ဦးပါဝင်ပါတယ်။
ဖမ်းဆီးခံထားရတဲ့ ကျောင်းသားတွေကို လက်ရှိဘယ်မှာ ထိန်းသိမ်းထားတယ် ဘာအမှုနဲ့ ဖမ်းဆီးထားတယ်ဆိုတာတော့ မသိရသေးပါဘူး။
