ကရင်ပြည်နယ်၊ မူတြော်ခရိုင်၊ တပ်မဟာ (၅) နယ်မြေရှိ အာဏာသိမ်းစစ်ကောင်စီစခန်းတခုကို ကရင်နဲ့ ရခိုင်တိုင်းရင်းသားလက်နက်ကိုင်နှစ်ဖွဲ့ပူးပေါင်း သိမ်းပိုက်မီးရှို့ဖျက်ဆီးလိုက်တယ်လို့   ရခိုင်အမျိုးသားကောင်စီ/ ရခိုင်ပြည်တပ်မတော် (ANC/AA) က သတင်းထုတ်ပြန်ပါတယ်။

ကရင်အမျိုးသားလွတ်မြောက်ရေး တပ်မတော် (KNU/KNLA)နဲ့ ရခိုင်ပြည်တပ်မတော် (ANC/AA) လှုပ်ရှားစစ်ကြောင်းတို့ပူးပေါင်းပြီး မူတြော်ခရိုင်၊ တပ်မဟာ (၅) နယ်မြေရှိ အာဏာသိမ်းစစ်ကောင်စီစခန်းတခုကို မေလ ၇ ရက် မနက်ပိုင်းက သိမ်းပိုက်ခဲ့တာဖြစ်ပြီး ဒီစခန်းသိမ်းတိုက်ပွဲမှာ လက်နက်ကြီးငယ်အများအပြား သိမ်းဆည်းရမိခဲ့ကာ  နှစ်ဖက်ကျဆုံး စာရင်းတော့ မထုတ်ပြန်ထားပါဘူး။

အာဏာသိမ်း စစ်ကောင်စီတပ်ဖွဲ့တွေဟာ ထိုင်းအာဏာပိုင်တွေကို အကူအညီတောင်းပြီး တခြားစခန်းတစ်ခုကို ထွက်ပြေးတိမ်းရှောင်သွားတယ်လို့  ရခိုင်ပြည်တပ်မတော် ပြန်ကြားရေးနှင့် ပြည်သူ့ဆက်ဆံရေးဌာနက သတင်းထုတ်ပြန်ထားပါတယ်။